જોરાવરનગર પોલીસ મથક સામે જ રહેતા શખ્સો લોકોને ફેસબુકના માધ્યમથી સોનાનું બિસ્કિટ બતાવી ડુપ્લીકેટ સોનુ પધરાવી દેતા હોવાનો પર્દાફાશ થયો છે. મૂળ યુપીના શખ્સ સાથે થયેલી છેતરપિંડી બાદ પૈસા લેવા આવેલા શખ્સને ગોંધી રખાયો હતો. જેમાં તેણે પોલીસને ફોન કરતા લોકેશનના આધારે પોલીસે પહોંચી જઇ સમગ્ર બનાવનો ભાંડો ફોડયો હતો. આ બનાવમાં આઠ શખ્સો સામે રૂપિયા 20 લાખની છેતરપિંડીની ફરિયાદ નોંધાઇ છે.
