રિયલ એસ્ટેટ ક્ષેત્રને ધમધમતું કરવા રેરા, નાદારી સહિતના કાયદામાં ફેરફાર કરશે મોદી સરકાર

50

ટૂંક સમયમાં થનારા નવા ફેરફારો મુજબ કોઈ પણ રિયલ એસ્ટેટ પ્રોજેકટમાં હિત ધરાવતા ૭૦ ટકા ધારકો સાથે મળીને જ નાદારીની ફરિયાદ કરી શકશે

દેશના રિયલ એસ્ટેટ ક્ષેત્રમાં છેલ્લા થોડા સમયથી મંદીનું મોજુ ફરી વળ્યું છે. જે માટે જવાબદાર અનેક કારણોમાં એક કારણ કોઈપણ પ્રોજેકટમાં એક ખરીદદારને પડતા વાંધાના કારણે ઉભી થતી કાયદાકીય ગુંચ પણ છે. કોઈ ખરીદદારને બિલ્ડર સાથે વાંધો પડતા કાયદાનું શરણ લઈને સમગ્ર પ્રોજેકટના ડેવલપમેન્ટ પર સ્ટે લાવી શકે છે. આવી કાયદાકીય ગૂંચના દેશભરમાં હજારો રિયલ એસ્ટેટ પ્રોજેકટો અટકીને પડયા છે. આવા પ્રોજેકટો અટકી જવાના કારણે બિલ્ડરોના બુકીંગ બંધ થઈ જવાથી તેઓએ બેંકો પાસેથી લીધેલી લોનો ન ભરી શકવાથી નાદાર જાહેર થાય છે. જેથી રિયલ એસ્ટેટ ક્ષેત્રને ધમધમતુ કરવા તાજેતરમાં ૨૫ હજાર કરોડ રૂ. ફાળવનારી મોદી સરકારે હવે આ મુદાઓ ધ્યાન કેન્દ્રીત કરીને રેરા અને નાદારી સહિતના કાયદામાં ફેરફાર કરવાની વિચારણા હાથ ધરી છે.હાલના કાયદાઓ મુજબ કોઈ ખરીદદાર, ફિકસ ડિપોઝીટ કે બોન્ડ ધારક રિયલ એસ્ટેટ કંપનીને નાદારીની પ્રક્રિયા માટે નેશનલ કંપની લો ટ્રીબ્યુનલમાં ફરિયાદ કરીને દાદ માંગ કરી શકે છે.

આવી વ્યકિતગત ફરિયાદના કારણે સમગ્ર પ્રોજેકટ પર કાયદાકીય વિવાદ ઉભો થાય ચે. અને આવા પ્રોજેકટ ઘોંચમાં પડી જાય છે. જેમાં ફેરફાર કરીને કેન્દ્રની મોદી સરકાર કોઈપણ પ્રોજેકટના કે રિયલ એસ્ટેટ કંપનીના ૭૦ ટકા હિતધારકો જ નાદારીની પ્રક્રિયા માટે દાદ માંગી શકે તેવી વિચારણા હાથ ધરી રહી છે. આ માટે કેન્દ્ર સરકારના કોર્પોરેટ અફેર્સ મંત્રાલયે દરખાસ્ત તૈયાર કરીને આગળની મંજૂરી માટે સરકારના વિવિધ વિભાગોમાં મોકલી આપી છે.

આ વર્ગના લેણદારો માટે કાર્યવાહી શરૂ કરવા માટે એક થ્રેશોલ્ડ મૂલ્ય પ્રદાન કરે તેવી અપેક્ષા છે. ઘણા કેસોમાં એકલ દોકલ એનસીએલટીને ખસેડયું છે. અને કાર્યવાહી શરૂ કરવા ટ્રિબ્યુનલની દાદ માગી છે. જે ઘણા માને છે કે કદાચ ન્યાયી ન હોય હકિકતમાં કેટલાક કિસ્સાઓમાં કરીદદારોનું એક જૂથ રીઅલ એસ્ટેટ ડેવલપરના ઈશારે કામ કરતું હોવાનું જોવામાં આવે છે. કારણ કે નાદારીની ક્રિયા શરૂ કરવાથી બિલ્ડરને ગ્રાહક મંચ અથવા રેરા હેઠળ કાર્યવાહી ટાળવામા મદદ મળે છે. મોટાભાગના કેસોમાં નાદારી અને બેંકરપ્સી કોડ હેઠળ કાર્યવાહી શરૂ કરી ચૂકેલી બેંકોના કિસ્સામાં, સામાન્ય રીતે એનસીએલટીનો સંપર્ક કરતા પહેલા સામાન્ય અભિગમ અપનાવવામાં આવે છે.

તાજેતરમાં જ સરકારના કોર્પોરેટ અફેર્સના સેક્રેટરી ઈન્જેતી શ્રીનિવાસે કહ્યું હતુ કે કેટલાક સેકટરમાં એવી અરજીઓ આવી રહી છે કે જયાં એક જ વર્ગના લેનારાઓ આઈબીસીને ફરિયાદ કરી છે. જો એક પણ ઘર ખરીદનાર આઈબીસીને ફરિયાદ કરી રહ્યો છે કારણ કે એક લાખનો થ્રેશોલ્ડ ઓળંગી ગયો છે અથવા એક દિવસનો ડિફોલ્ટ પાર થઈ ગયો છે. તો અન્યથા સારી રીતે કામ કરતી કંપનીમાં આવે છે તે સારી પરિસ્થિતિ નથી જેથી થ્રેશોલ્ડ અભિગમ પર ધ્યાન આપવું પડશે તેમ ઉમેર્યું હતુ ઉત્તર પ્રદેશ રેરાના સભ્ય, બલવિન્દર કુમારે જણાવ્યું હતુકે કાયદાઓનું મુખ્ય ધ્યાન ઘર ખરીદનારાઓનાં હિતનું રક્ષણ કરવાનું છે. કારણ કે આ મુદાઓને ધ્યાનમા લેવાની તીવ્ર જરૂર છે. એકપણ ઘર ખરીદનાર એનસીએલટીનો સંપર્ક કરીને આખા પ્રોજેકટને પાટાપરથી ઉતારી શકે છે. જયાં મુખ્ય હેતુ એ છેકે પ્રોજેકટ ઝડપથી પૂર્ણ થાય ચે તે જોવાનું છે.ઘર ખરીદનારા એસોસીએશનના પ્રતિનિધિએ આ અંગે જણાવ્યું હતુ કે આઈબીસીમાં આ પ્રકારનો ફેરફાર લાવતા સરકારે ઠરાવની પ્રક્રિયા શરૂ કરવા માટે એનસીએલટીનો સંપર્ક સાધવા માટે બિલ્ડરો કાયદાનું શોષણ ન કરે તે સુનિશ્ર્ચિત કરવાની જોગવાઈ પણ કરવી પડશે.હાલમાં, રેરા ફકત ઘર ખરીદનારા, બિલ્ડરો અને નાણાકીય લેણદારો સાથે વ્યવહાર કરે છે. ‘રેરા પાસે ટ્રાઈ જેવી શકિત હોવી જોઈએ જે ટેલીકોમ ક્ષેત્રને લગતી સરકારી એજન્સીઓને ઓર્ડર આપી શકે છે. કાયદામાં સ્પષ્ટકર્તા ફેરફારોને ઝડપી કરવા જોઈએ એમ જણાવી હરિયાણાના રેરા (ગુડગાંવ)ના પ્રમુખ કે.કે.ખાંડલવાલે કહ્યું કે, બધા નિયમનકારોને લખનૌમાં કાયદાના અમલીકરણમાં તેમની મુશ્કેલીઓ વહેચવાની તક મળી જો અમે ઘરના ખરીદદારો પ્રોજેકટસ અને અન્ય તમામ હિસ્સેદારોના હિતની રક્ષા કરવામાં સંતુલન રાખવા માટે ગંભીર હોય, તો અમે ચર્ચામાં સમય બગાડી શકીશું નહિ અહેવાલો અનુસાર, હાલમાં એનસીએલટી દ્વારા સ્વીકૃત ૪૫૦ કેસોમાંથી આશરે ૮૦ થી ૮૫ ટકા કેસો એવા છે જેમાં દિલ્હીનાં બિલ્ડરો ઘર ખરીદનારાઓને ફલેટ આપવામાં વિલંબ કર્યો છે.

Loading...