મોરબીથી રાજકોટ, સુરેન્દ્રનગર અને જામનગર શહેર તરફ આજથી એસટીનું પરિવહન શરૂ કરાયું
મોરબીથી દર અડધી કલાકે રાજકોટ જવા એસટી બસ સેવા શરૂ કરાઇ છે જેથી હવે મુસાફરોને કોઈ તકલીફ કે હાલાકી નહીં પડે અને એસ.ટી. બસ દ્વારા મુસાફરી કરી શકાશે.
અલબત્ત હજુ પ્રારંભિક તબક્કે મુસાફરોની પાંખી હાજરી જોવા મળી રહી છે અને લોકોને હજુ પણ એસ.ટી.બસ ચાલુ રહેવાના સમાચાર મળ્યા ના હતા તેથી માત્ર બહુ જ ઓછા લોકો હાજર હતા .
નિયત રૂટ પ્રમાણે મોરબીથી જામનગર અને મોરબીથી સુરેન્દ્રનગર એક એક એસટી બસો રવાના કરવામાં આવી હતી.
મોરબી અને રાજકોટ વચ્ચે જે ઇન્ટરસિટી બસો દોડે છે તેમાં એક મોરબી એસટી ડેપોની અને બાકીની આઠ બસો વાંકાનેર ડેપોની છે.
