સેન્સેકસમાં આજે ભારે વોલીટાલીટી જોવા મળી હતી. ખુલ્યા બાદ તરત ૨૦૦ પોઈન્ટથી વધુ ઉછળ્યા બાદ થોડીક મીનીટમાં જ સેન્સેકસ ૨૦૦ પોઈન્ટ જેટલો તૂટી ગયો હતો. ત્યારબાદ ફરી માર્કેટ સ્થિર થયું હતું. ગઈકાલે થયેલી મોટી અફરા-તફરી બાદ આજે પણ સેન્સેકસ વોલેટાઈલ રહેતા રોકાણકારોના શ્ર્વાસ અધ્ધર થઈ ગયા હતા. અલબત બપોરે ૩ વાગ્યા સુધીમાં સેન્સેકસ ૩૦૮ પોઈન્ટના વધારા સાથે ટ્રેડ થઈ રહ્યો હતો. આજે સેન્સેકસ ૪૬૦૦૦ની સપાટી કુદાવી ૪૨૫ના આંકે ટ્રેડ થયો હતો. આજે મુખ્યત્વે એચસીએલ ટેક., ઈન્ફોસીસ, ટેક મહિન્દ્રા, સન ફાર્મા, પાવર ગ્રીડ, ભારતી એરટેલ અને લાર્સન સહિતના શેરમાં ૧.૬૮થી લઈ ૪.૧૫ ટકા સુધીનો ઉછાળો જોવા મળ્યો હતો. બીજી તરફ બજાજ ફાય., રિલાયન્સ, ઈન્ડુસીન્ડ બેંક, કોટક મહિન્દ્રા અને ઓએનજીસી જેવા શેર તૂટી ગયા હતા. આજે બેન્કિંગ અને આઈટી સેકટરમાં મહદઅંશે લેવાલી જોવા મળી હતી. આગામી વર્ષ ૨૦૨૧માં ભારતીય અર્થતંત્રને લઈ ઘણી અપેક્ષાઓ સેવાઈ રહી છે. અર્થતંત્ર જેટ ગતિએ વિકાસ પામશે તેવી ધારણા છે. બજેટ પણ વિકાસ કેન્દ્રીત રહેશે તેવું નિષ્ણાંતોનું માનવું છે. ઉપરાંત કૃષિ બીલ સહિતના નિર્ણયના કારણે અર્થતંત્રને ફાયદો થશે. આવી સ્થિતિમાં શેરબજારમાં ફરી લેવાલીનું જોર વધશે.
Trending
- EVM-VVPATની 100 ટકા ચકાસણીની જરૂર નથી : સુપ્રીમ
- લોકસભા ચૂંટણી પૂર્વે પોલીસ બેડામાં ફેરફારનો દોર, વધુ 12 IPSની બદલીના આદેશ
- ગીકબેન્ચ લિસ્ટિંગમાં Microsoft Surfaceનો સમાવેશ…
- દર શુક્રવારે કરો આ કામ, ધનની દેવી લક્ષ્મીની કૃપા વરસશે
- આજનું રાશિફળ: આ રાશિના જાતકોને અંગત મિત્રો સાથે મતભેદ નિવારવા પડે અને વાદ-વિવાદ થી દૂર રહેવું
- રાજ્ય પોલીસ બેડામાં બદલીનો ગંજીપો ચિપાયો : 12 આઈપીએસની બદલીના આદેશ છૂટ્યા
- લોંગ ટ્રેડિશન લુકમાં ડેઝી શાહનું ફોટોશૂટ
- તમન્ના ભાટિયાને IPL 2023ના ગેરકાયદેસર સ્ટ્રીમિંગ મામલે મળ્યું સમન્સ