જૈનમ નવરાત્રી મહોત્સવમાં ગરબે ઝુમવા ખેલૈયાઓમાં અનેરો થનગનાટ

125

મહોત્સવની તૈયારીઓને અપાતો આખરીઓપ: આયોજક જૈન અગ્રણીઓએ ‘અબતક’ની મુલાકાતમાં આપી વિગતો

આકર્ષક લુક, મનમોહક  લાઈટીંગ અને ટ્રસ્ટનું કોર્પોરેટ લુકનું વિશાળ સ્ટેજ

કારપેટ સાથેનું વિશાળ પ્રાંગણ, સ્પોન્સર માટે આકર્ષક ગઝીબો, વિશાળ ફુડ ઝોન સહિત સ્ટેડિયમ ટાઈપ બેઠકનું  શાનદાર આયોજન: ત્રણ એલઈડીની સુવિધા

છેલ્લા બે વર્ષથી જૈન સમાજ દ્વારા મળી રહેલા અભૂતપૂર્વ પ્રતિસાદ બાદ સતત ત્રીજા વર્ષે જૈનમ નવરાત્રી મહોત્સવનું જાજરમાન આયોજન કરવામાં આવ્યું છે. જેની તૈયારીઓને હાલ આખરીઓપ આપવામાં આવી રહ્યો છે ત્યારે સમગ્ર આયોજન અંગે વિસ્તૃત વિગત આપવા કમિટી મેમ્બર મયુરભાઈ શાહ, જયેશ મહેતા, ભીમભાઈ ભાલાણી, જીતુભાઈ લાખાણી, મેહુલભાઈ શાહ, ભાવિન ઉદાણી, તુષારભાઈ ધ્રુવ, દિવ્યેશભાઈ, જય મહેતા, કેતનભાઈ ગોસલીયા, ત‚ણભાઈ કોઠારી, અમિત દોશી અને વૈભવ સંઘવી સહિતના ઉપસ્થિત રહ્યા હતા.

માં આદ્યાશકિતની આરાધનાના નવલા નવરાત્રીના પવિત્ર દિવસોમાં રાજકોટની દરેક જૈન સંસ્થાઓના પૂર્ણ સહયોગ દ્વારા આગામી નવરાત્રી તા.૧૦ ઓકટોબર થી તા.૧૮ ઓકટોબર ૨૦૧૮ સુધી એમ ૯ દિવસ માટે જૈનમ નવરાત્રી મહોત્સવનું સુંદર આયોજન કરવામાં આવનાર છે. નવરાત્રીનાં પ્રથમ નોરતે એટલે તા.૧૦/૧૦ને રાત્રે ૯:૦૦ કલાકૈ જૈનમ નવરાત્રી મહોત્સવનો ધમાકેદાર ઉદઘાટન કરવામાં આવનાર છે. આ પ્રસંગે ખાસ મુંબઈથી પધારતા જી.ઈ.ઓ.ના મનીષભાઈ શાહ, ચેતનભાઈ ભાનુશાળીનાં હસ્તે ઉદઘાટન કરવામાં આવનાર છે.

તદઉપરાંત અતિથિ વિશેષ તરીકે રાજુભાઈ છેડા-જસ્ટ ઈન ટાઈમ, ગીરીશભાઈ છેડા-મુંબઈ, ચંદ્રકાંતભાઈ શેઠ, શેઠ બિલ્ડર, વિનોદભાઈ દોશી એચ.જે.ઈન્ડસ્ટ્રીઝ, જીતુભાઈ બેનાણી-જાણીતા બિલ્ડર્સ, અતુલભાઈ જૈન-મુંબઈ, મુકેશભાઈ દોશી (મોડર્ન), જયેશભાઈ શાહ – સોનમ કવાર્ટઝ, દર્શનભાઈ શાહ – ભારત સ્ટીલ ટુલ્સ સીન્ડીકેટ, રમણભાઈ વરમોરા – વરમોરા ગ્રુપ, વિમલભાઈ કેશુભાઈ ખુંટ (કાનાભાઈ) – રાજકોટ એગ્રો ઈન્ડસ્ટ્રીઝ, રાકેશભાઈ રાજદેવ-હોટલ રોમા ક્રિસ્ટો-દ્વારકા, ગીરીશભાઈ મદનલાલ રાઠી – બ્રુકલેન્ડ ઈન્ફ્રાસ્ટ્રકચર – અમદાવાદ, મુકેશભાઈ શેઠ – શેઠ બિલ્ડર્સ, વિરેન્દ્રભાઈ ખારા – જીતેન્દ્ર ગ્રુપ, દિલીપભાઈ ઉદાણી, રાજુભાઈ કેસ્ટ્રોલ, હસુભાઈ પટેલ – પટેલ ઓટો કેર, સીમાબેન ખેચ. ખજુરીયા, ડી.વી.મહેતા – એક્રોલોન્જ કલબ, શ્યામભાઈ છાંટબાર, રશ્મીકાંતભાઈ મોદી – મોદી સ્કુલ ઉપસ્થિત રહેશે.

જૈનમ નવરાત્રી મહોત્સવમાં સૌપ્રથમવાર ટ્રસ્ટનું મનમોહક દેખાવ સાથે આકર્ષક લાઈટીંગ સાથેનું વિશાળ સ્ટેજ બનાવવામાં આવનાર છે. રમવાનું વિશાળ ગ્રાઉન્ડ કારપેટથી મઢવામાં આવનાર છે. રાજકોટમાં સૌપ્રથમવાર ૪૦ વર્ષ ઉપરનાં ખેલૈયાઓ માટે પણ પ્રિન્સ-પ્રિન્સેસની કેટેગરીમાં પણ ઈનામો રાખવામાં આવેલ છે. સ્પોન્સરો માટે આકર્ષક ગઝીબો, પ્રેક્ષકો માટે સ્ટેડીયમ ટાઈપ બેઠક વ્યવસ્થા કરવામાં આવી છે. મેઈન સ્ટેજ ઉપર વિશાળ એલઈડી અને ગ્રાઉન્ડમાં પણ બે એલઈડી રાખવામાં આવશે. ખેલૈયાઓ માટે જૈનમ્ દ્વારા સ્કુટર, એલઈડી, ટીવી, સોલાર સિસ્ટમ, ગોલ્ડ ઓર્નામેન્ટ, વોશીંગ મશીન, નાના ખેલૈયાઓ માટે સાયકલ અને અન્ય ધણા બધા ઈનામોથી નવાજવામાં આવશે.

નવરાત્રી મહોત્સવનાં ખેલૈયાઓ માટે દરરોજ સ્પર્ધાઓ અને થીમ ડેનું આયોજન કરવામાં આવેલ છે. તા.૧૦નાં રોજ બહેનો માટે સાડી અને ભાઈઓ માટે કુર્તાની થીમ, તા.૧૧નાં રોજ બ્લેક થીમ ડે અને ગોગલ્સ થીમ, તા.૧૨નાં રોજ ગરબા-આરતી બહેનો માટે અને કોટી ભાઈઓ માટેની સ્પર્ધા, તા.૧૩નાં રોજ દેશ ભકિત ડ્રેસ (ટ્રાઈ કલર) અને દેશ ભકિત કલર થીમ, તા.૧૪નાં રોજ બહેનો માટે ટેટ્ટુ તથા મહેંદી અને ભાઈઓ માટે બ્રીડની સ્પર્ધા, થીમ ડેમાં કેન્ડલ તથા મોબાઈલ ટોર્ચ, તા.૧૫નાં રોજ ડેકોરેટીવ બલુની સ્પર્ધા અને બહેનો માટે રેડ ડ્રેસ અને વ્હાઈટ ડ્રેસ ભાઈઓ માટેની થીમ, તા.૧૬નાં રોજ થીમ ડેમાં બોલીવુડ અને ટેલીવુડ, તા.૧૭નાં રોજ બહેનો માટે ચુડી અને ભાઈઓ માટે પાઘડી, તા.૧૮નાં રોજ ફ્રી સ્ટાઈલનું આયોજન પણ કરવામાં આવેલ છે. રોજબરોજ દરેક ગ્રુપને અવનવા ઈનામોની વણઝાર સાથે નવાઝવામાં આવશે.

આ નવરાત્રી મહોત્સવમાં ગુજરાતની શાન સમા સુપ્રસિઘ્ધ સંગીતકાર, ગુજરાત રાજય સંગીત નાટય અકાદમીનાં ચેરમેન પંકજ ભટ્ટ તથા તેમના સાજીંદાઓ ફરી એકવાર રાજકોટનાં જૈન સમાજનાં ખેલૈયાઓને ડોલાવશે. જેઓના પરફોર્મન્સ યુ-ટયુબ અને સમગ્ર દેશમાં અર્વાચિન દાંડીયામાં પોતાની ગાયીકી દ્વારા ધુમ મચાવી રહ્યા છે તેવા શ્રીકાંત નાયર – મુંબઈ, મયુરી પાટલીયા – બરોડા, વિશાલ પંચાલ – અમદાવાદ, પરાગી પારેખ – વલસાડ, પ્રિતી ભટ્ટ – રાજકોટ જેવા ચુનીંદા કલાકારો જૈનમ્ નવરાત્રીમાં ધુમ મચાવશે. સોમવારથી સિઝન પાસ બુકીંગ સદંતર બંધ કરવામાં આવશે ત્યારબાદ ડેઈલી પાસ નવરાત્રી દરમ્યાન દરરોજ જૈનમ્ મધ્યસ્થ કાર્યાલયમાંથી મેળવી લેવાના રહેશે જેની નોંધ લેશો.

વધુ માહિતી માટે જૈનમ મધ્યસ્થ કાર્યાલય, ડોકટર પ્લાઝા, જયુબીલી ચોક, રાજકોટ ખાતે તેમજ જીતુ કોઠારી મો.૯૮૨૫૦ ૭૬૩૧૬નો સંપર્ક કરવો. ઉપરાંત તા.૭નાં ઐશ્ર્વર્યા મજમુદારની હાજરીમાં યોજાનાર લાઈવ નવરાત્રીનાં પાસ આજે સાંજે ૬ થી ૮ દરમ્યાન જૈનમ કાર્યાલય ખાતેથી મેળવી શકાશે.

Loading...