સુપરહિટ ફિલ્મ ‘રામ લખન’ને હાલમાં 30 વર્ષ પૂરા થયા હતા. આ પ્રસંગને સેલિબ્રેટ કરવા માટે બંને કલાકારે 1989માં રિલીઝ થયેલી એ ફિલ્મના કેટલાક ગીતો પર ડાન્સ કરીને બોલિવૂડ સ્ટાર્સ માધુરી દીક્ષિત અને અનિલ કપૂરની એનો વીડિયો ઇન્સ્ટાગ્રામ પર શેર કર્યો છે. બંને કલાકાર ફિલ્મનાં બે ગીત ‘બડા દુઃખ દીના ઓ રામજી’ અને ‘માય નેમ ઈઝ લખન’ સોંગ ઉપર ડાન્સ સાથે મસ્તી કરતાં નજર આવ્યા છે. આ વીડિયો શેયર કરીને માધુરીએ એની કેપ્શનમાં લખ્યું છે, ‘આજે ‘રામ લખન’ને 30 વર્ષ થયા છે અને આ ગીત પર ડાન્સ કરીને ઘણી સુંદર યાદોંને તાજી કરું છું. ‘રામ લખન’ ટીમ સાથે કામ કરવામાં ખૂબ આનંદ આવ્યો હતો.’
આ ઉપરાંત અનિલ કપૂરે માધુરીનાં વિડિયોને રીટ્વીટ કર્યો છે અને લખ્યું છે, ‘રામ લખન’ની વર્ષગાંઠે આપણે ફરી ભજવણી કરી રહ્યાં છીએ તે આનંદની વાત છે. #30YearsOfRamLakhanની સિદ્ધિની ઉજવણી કરવાનો આનાથી સારો રસ્તો કે સારી વ્યક્તિ બીજી કોઈ નહીં.’
