રાજકોટ જિલ્લામાં કોરોનાનાં કેસમાં સતત વધારો થઈ રહ્યો છે. ત્યારે આજે વધુ 3 કોરોના પોઝિટિવ કેસ નોંધાયા છે. રાજકોટનાં નાનામોવા પાસે આવેલા સિલ્વર પોઈન્ટ એપાર્ટમેન્ટમાં 1 અને રેલનગરમાં 2 કોરોના પોઝિટિવ કેસ નોંધાયા છે. રાજકોટમાં કોરોનાનાં કેસમાં વધારો થતાં વહિવટી તંત્રએ શહેરની 22 ખાનગી હોસ્પિટલ પાસેથી પ્રપોઝલ મંગાવ્યા છે.
- નાના મોવા પાસે આવેલા સિલ્વર પોઈન્ટ એપાર્ટમેન્ટમાં રહેતા રાજેન્દ્રભાઈ પટેલ (ઉંમર-54) કે જેઓ સુરેન્દ્રનગરથી આવ્યાં હતાં તેનો રિપોર્ટ પોઝિટિવ આવ્યો છે. જેથી તેને સિવિલ હોસ્પિટલ ખસેડવામાં આવ્યા છે.
- રેલનગરમાં આવેલ નાથદ્વારા સોસાયટીમાં રહેતા મીનાબેન અજીતસિંહ પરમાર (ઉંમર-51) અને અજીતસિંહ પ્રતાપસિંહ પરમાર (ઉંમર-56)નો કોરોના રિપોર્ટ પોઝિટિવ આવ્યો છે. આ બંનેની ટ્રાવેલ હિસ્ટ્રી અમદાવાદની છે.
- નાના મૌવા સિલ્વર પોઇન્ટ ફ્લેટમાં એક કેસ પોઝિટિવ આવાતા 10 લોકોને કન્ટેઇનમેન્ટ કર્યા છે. જ્યારે ચાર વ્યક્તિને સમરસ હોસ્ટેલમાં ફેસીલીટી ક્વોરન્ટિન કર્યા છે.
- રાજકોટ જિલ્લામાં અત્યાર સુધીમાં 147 કેસ નોંધાયા છે. જેમાં શહેરનાં 99 અને ગ્રામ્યનાં 48 કેસનો સમાવેશ થાય છે.
