વીડિયો શેરિંગ વેબસાઈટ યૂટ્યુબ ભારતીય સમયાનુસાર બુધવારે સવારે 6:30 વાગ્યાથી ઠપ થઈ ગયું હતું જે થોડા કલાક બાદ ફરી શરૂ થઈ ગયું છે. વિશ્વભરના યૂઝર્સથી યૂટ્યુબમાં એરરની ફરિયાદ મળી હતી. ડેસ્કટોપ વર્ઝન પર વેબસાઈટ ટેમ્પલેટ જોવા મળી રહ્યું હતું પરંતુ વીડિયો પ્લે થતો ન હતો. વીડિયો પર ક્લિક કરતાં જ ઈન્ટરનલ સર્વર એરર જોવા મળતું હતું જેને પગલે વિશ્વભરના યૂઝર્સને ભારે તકલીફ પડી હતી. જો કે આ અંગેના સંજ્ઞાન લેતાં કંપનીએ આ ખરાબીને જલદીથી ઠીક કરવાની વાત કરી હતી અને થોડાં કલાક બાદ યૂટ્યુબ કામ કરવા લાગ્યું હતું.
Thanks for your reports about YouTube, YouTube TV and YouTube Music access issues. We’re working on resolving this and will let you know once fixed. We apologize for any inconvenience this may cause and will keep you updated.
— Team YouTube (@TeamYouTube) October 17, 2018
યૂટ્યુબની ખરાબી ઠીક કર્યાં બાદ કંપનીએ ટ્વિટર પર કહ્યું, “અમે પરત આવી ગયાં છીએ. તમારા લોકોના ધૈર્ય માટે ધન્યવાદ. જો તમને લોકોને નિયમિત કોઈ પરેશાની થાય છે તો અમને જરૂર જણાવજો.” બુધવારે સવારથી જ યૂટ્યુબ ખોલ્યાં બાદ તેના હોમપેજ પર એરરનો સંદેશો આવી રહ્યો હતો.
YouTube faces global outage, users post screenshots of internal error 500 message. pic.twitter.com/KLAfzjFoqr
— ANI (@ANI) October 17, 2018
જે બાદ જો યૂઝર્સ તેમાં કંઈ પણ સર્ચ કરે તો તે બાદ વીડિયો સ્ક્રીન કાળી થઈને તેમાં એરર જોવા મળતું હતું. એટલે કે યૂઝર્સ યૂટ્યુબ પર કંઈ પણ જોવા માટે અસમર્થ હતા. બુધવારે સવારે યૂટ્યુબ ઠપ પડવાને કારણે વિશ્વભરના યૂઝર્સ તેમાં વીડિયો જોઈ શકતા ન હતા.
