કોરોના મહામારીની બીજી લહેર હવે અંત તરફ છે ત્યારે હવે આગામી ત્રીજી લહેરથી બચવા ‘રસીકરણ’ અને નિયમોનું કડક પણ પાલન જ અનિવાર્ય ગણાઈ રહ્યું છે. કોરોના સામે રસી જ ‘રામબાણ ઈલાજ’ છે તેમ માની રસીકરણની પ્રક્રિયા વેગવંતી બનાવાઈ છે ત્યારે આ ઝુંબેશમાં યુવાઓનો ઉત્સાહ ખૂબ જોવા મળી રહ્યો છે. રસી લઈ કોરોના સામે ‘સુરક્ષા કવચ’ મેળવવા યુવાનો જાગતા હવે ગુજરાત ત્રીજી લહેર સામે પણ ‘સલામત’ થઈ જશે.
રાજકોટના યુનિવર્સિટી રોડ, આકાશવાણી ચોક ખાતે આવેલી શાળા નં.92 બહાર લાગેલી રસી માટેની લાઈનની પરની આ તસવીરો વેકિસનેશન માટે યુવાઓનો જોશ દર્શાવે છે. અહીં, સવારના પાંચ વાગ્યાથી કતારમાં લોકો ઉભા રહી જાય છે. જે ગુજરાતનાં લોકો અને ખાસ યુવાઓની કોરોના સામેની જાગૃકતા દર્શાવે છે.
