સ્વસ્થ વાળ એ સ્ટાઇલિશ એક્સેસરી કરતાં વધુ છે. છોકરા હોય કે છોકરીઓ વાળને સ્ટાઈલિશ રાખવાનો શોખ હોય છે. પરંતુ ઘણીવાર વાળ ખરાબ થવાથી પરેશાન થઈ જાય છે. આ ઉપરાંત વાળનું નબળા પડવું, વાળનું સફેદ થવું અને વાળ ખરવાએ લોકો માટે મોટી ચિંતાજનક સમસ્યા છે. તેનાથી રાહત મેળવવા માટે લોકો વિવિધ પ્રકારના ઉપાયો અપનાવે છે. દરેક વ્યક્તિ લાંબા, જાડા અને મજબૂત વાળનું સપનું જુએ છે. તેમજ વાળના સારા સ્વાસ્થ્ય માટેએ જરૂરી છે કે આપણે તેમના પોષણ પર ધ્યાન આપવું જરૂરી છે.
આયુર્વેદિક ડોક્ટરે જણાવ્યું કે બજારમાં ઉપલબ્ધ ઘણા રાસાયણિક ઉત્પાદનો વાળ સંબંધિત સમસ્યાઓનો ઉકેલ હોવાનો દાવો કરે છે. આ ઉત્પાદનોનો લાંબા સમય સુધી ઉપયોગ કરવામાં આવે છે. આ દરમિયાન કેટલીક આડઅસર પણ થાય છે. તેમજ તેમણે કહ્યું કે લોકો ઘરે સરસવના તેલમાં કેટલીક પ્રાકૃતિક વસ્તુઓ મિક્સ કરીને આ બધી સમસ્યાઓથી રાહત મેળવી શકે છે.
સરસવનું તેલ વાળ માટે ઉત્તમ દવા છે. તેમજ તેમાં વિટામિન A, E અને K મળી આવે છે, જે વાળના વિકાસમાં મદદરૂપ થાય છે. વધુમાં તેમાં આયર્ન, મેગ્નેશિયમ અને ફેટી એસિડ્સ પણ હોય છે, જે ખોપરી ઉપરની ચામડીને પોષણ આપવામાં અને મૂળમાંથી વાળને મજબૂત કરવામાં મદદ કરે છે.
સરસવના તેલ અને મેથીનું મિશ્રણ :
સરસવના તેલ અને મેથીના મિશ્રણથી વાળનો વિકાસ સુધરે છે અને વાળ ખરવાથી રાહત મળે છે. સફેદ વાળને કાળા કરવામાં મદદ કરે છે. 1-2 ચમચી મેથીના દાણાને આખી રાત પાણીમાં પલાળી રાખો. સવારે મેથીના દાણાને પીસીને તેમાં 1-2 ચમચી સરસવનું તેલ નાખો. આ પેસ્ટને તેલમાં મિક્સ કરીને માથા પર લગાવો. તેમજ તેને 30-40 મિનિટ સુધી રાખો અને પછી શેમ્પૂથી વાળ ધોઈ લો. અઠવાડિયામાં 2 વાર તેનો ઉપયોગ કરો, તે વાળની લંબાઈ વધારવામાં મદદ કરશે.
ડુંગળીનો રસ:
તે દરમિયાન વધુમાં જણાવવામાં આવ્યું હતું કે આયુર્વેદમાં પણ ડુંગળીને વાળની સમસ્યા દૂર કરવા માટે મહત્વપૂર્ણ કહેવામાં આવ્યું છે. ડુંગળીના રસમાં સલ્ફર જોવા મળે છે, જે કોલેજનને પ્રોત્સાહન આપે છે અને વાળના વિકાસને વેગ આપે છે. સરસવના તેલ અને ડુંગળીના રસના મિશ્રણથી વાળ જાડા અને કાળા થાય છે. આ મિશ્રણને વાળ ધોવાના લગભગ 3 કલાક પહેલા અથવા આખી રાત લગાવો. ત્યારબાદ હળવા હાથે માલિશ કરો. ત્યારપછી શેમ્પૂ કરો. અઠવાડિયામાં 2 થી 3 વાર આ તેલનો ઉપયોગ કરો.
એલોવેરા :
એલોવેરા મોઇશ્ચરાઇઝિંગ અને વાળ ખરતા ઘટાડવામાં ખૂબ જ ફાયદાકારક છે. સરસવના તેલમાં 2-3 ચમચી તાજા એલોવેરા જેલને મિક્સ કરો, તેને થોડું ગરમ કરો અને પછી આ મિશ્રણને માથા પર લગાવો. હળવા હાથે માલિશ કરો, જેથી તેલ માથામાં બરાબર શોષાઈ જાય. એલોવેરા વાળના મૂળને પોષણ આપશે અને તેમની લંબાઈ પણ ઝડપથી વધશે.
કઢી પત્તા 
વિટામિન બી અને એન્ટીઑકિસડન્ટથી ભરપૂર કઢી પત્તા વાળના સ્વાસ્થ્ય માટે ખૂબ જ ફાયદાકારક છે. સરસવના તેલમાં કઢી પત્તા નાખીને તેને હળવો ગરમ કરો અને તે ઠંડુ થાય પછી આ તેલને વાળના મૂળમાં લગાવો. તેનાથી વાળ ખરતા ઓછા થાય છે અને ગ્રોથ પણ ઝડપથી વધે છે. કરી પત્તામાં રહેલાં ભરપૂર પ્રમાણમાં બીટા-કેરાટિન વાળને જાડા બનાવે છે. ઓમેગા-3 ફેટી એસિડથી ભરપૂર હોવાથી મજબૂત, ચમકદાર, કાળા વાળ મેળવવામાં મદદ કરે છે. સમૃદ્ધ એમિનો એસિડ વાળના બંધારણને મજબૂત બનાવે છે.
અસ્વીકરણ : અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે અબતક મીડિયા કોઈપણ માહિતીનું સમર્થન કે પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો.
