- ગુજરાતનું સતત નબળુ પ્રદર્શન : દિલ્હી સામે મળી 7 વિકેટે મહાત
સિઝનની પહેલી જ મેચમાં છેલ્લા બોલે મળેલી હારમાંથી બહાર નીકળીને દિલ્હી કેપિટલ્સ વુમન્સ પ્રીમિયર લીગની ફાઈનલમાં પહોંચનારી પ્રથમ ટીમ બની ગઈ છે. મેગ લેનિંગની આગેવાની હેઠળ દિલ્હીની ટીમે વુમન પ્રીમિયર લીગ 2024ની છેલ્લી લીગ મેચમાં ગુજરાત જાયન્ટ્સને 7 વિકેટથી હરાવી પોઈન્ટ ટેબલમાં પ્રથમ સ્થાન મેળવ્યું અને ફાઈનલમાં જગ્યા બનાવી. ગયા વર્ષે પ્રથમ સિઝનમાં દિલ્હીએ ફાઈનલમાં જગ્યા બનાવી હતી પરંતુ ફાઈનલમાં મુંબઈ ઈન્ડિયન્સ સામે હારનો સામનો કરવો પડ્યો હતો.
અરુણ જેટલી સ્ટેડિયમમાં રમી રહેલી દિલ્હી કેપિટલ્સે ગુજરાતને આસાનીથી હરાવી દીધું હતું. આ મેચમાં ગુજરાતે ટોસ જીતીને પ્રથમ બેટિંગ કરવાનો નિર્ણય લીધો હતો, પરંતુ બેથ મૂનીની આગેવાની હેઠળની ટીમ તેની પસંદગીના નિર્ણયનો ફાયદો ઉઠાવી શકી ન હતી. ગુજરાતની બેટરો મારિજન કેપ 2/17 અને શિખા પાંડે 2/23ની શક્તિશાળી ઝડપી બોલિંગ જોડી સામે ટકી શકી નહીં.
ગુજરાતે માત્ર 16 રનમાં 3 વિકેટ અને 48 રનના સ્કોર સુધી 5 વિકેટ ગુમાવી દીધી હતી. ઓસ્ટ્રેલિયાનો યુવા બેટ્સમેન ફોબી લિચફિલ્ડ જે આ સિઝન પહેલા હરાજીમાં સૌથી વધુ ચર્ચામાં રહી હતી તે ફરી એકવાર નિષ્ફળ ગઈ અને માત્ર 21 રન બનાવી શકી. નીચલા-મધ્યમ ક્રમમાં, ભારતી ફૂલમાલી 42 અને કેથરિન બ્રાઈસ અણનમ 28 એ 68 રનની મહત્વપૂર્ણ ભાગીદારી કરીને ટીમને વધુ સારી સ્થિતિમાં પહોંચાડી હતી. તેમ છતાં સમગ્ર ટીમ 20 ઓવરમાં 9 વિકેટ ગુમાવીને 126 રન જ બનાવી શકી હતી.
