પ્લેટિન્યમ સોનાનું અવેજી બનશે?
સસ્તાપણું તેમજ પુરુષોની સફેદ ધાતુ પ્રત્યેના આકર્ષણના પરિણામે પ્લેટિન્યમની માંગમાં વધારો નોંધાયો
ભારતમાં સોનાને સ્ત્રીધન માનવામાં આવે છે. જેનું મુખ્ય કારણ છે કે, સોનુ એ સૌથી સુરક્ષિત ધાતુ માનવામાં આવે છે. વિશ્વના કોઈ પણ ખૂણે સોનાનોની સુરક્ષિતા આર્થિક દ્રષ્ટિએ રહે છે. જેથી અગાઉથી ભારતની પ્રાચીન પરંપરામાં સોનાને સ્ત્રી ધન તરીકેની ઓળખ આપવામાં આવી છે. ભારતની માનસિકતા પ્રમાણે લોકો અન્ય રોકાણ કરવાની સાપેક્ષે પ્રથમ સોનાની ખરીદી કરતા હોય છે. કોઈ પણ સંજોગોમાં અંતે સોનુ જ કામ આવતું હોય છે. લોકોની માનસિકતા એવી છે કે માંગ વધે તો સોનાના ભાવમાં ઉછાળો નોંધતો હોય છે પરંતુ એવું નથી. જ્યારે આર્થિક મંદીનો માહોલ શરૂ થાય ત્યારે સોનાના ભાવમાં ઉછાળો નોંધતો હોય છે જેનું મુખ્ય કારણ એ છે કે, જ્યારે લોકોના ખિસ્સામાં પૈસાની ખોટ વર્તાય ત્યારે સોનુ કામ આવતું હોય છે. જ્યારે બજાર ફરીવાર રાબેતા મુજબ શરૂ થાય એટલે કે આર્થિક મંદીનો ખતરો પૂર્ણ થાય, બજારમાં સ્થિરતા આવે ત્યારે સોનાના ભાવમાં ઘટાડો નોંધતો હોય છે.
લોક ડાઉનના સમયમાં તેમજ ત્યારબાદના સમયમાં પણ કઈક આવી જ પરિસ્થિતિનું નિર્માણ થયું છે જેના પરિણામે સોનાના ભાવ આસમાને પહોંચ્યા હતા. જેની સાપેક્ષે પ્લેટિનમ ધાતુના ભાવ ૪૦% નીચે હોવાથી પ્લેટિનમની માંગમાં વધારો થયો હોવાનું સામે આવી રહ્યું છે.
લોકડાઉન હળવુ થયા પછી ભારતમાં પ્લેટિનમ જ્વેલરીની માંગમાં લગભગ ત્રીજા ભાગનો વધારો થયો છે, જે મોટે ભાગે શહેરોમાં પુરુષ ખરીદદારોમાં વધારો થઈ રહ્યો છે તેવું ઝવેરીઓનું માનવું છે.
૨ લાખ રૂપિયાની નીચેની પ્લેટિનમ કડા અને સાંકળા લોકપ્રિય બન્યા છે કારણ કે ખરીદદારોને તેમની ખરીદી માટે કાયમી પાન નંબર આપવાની જરૂર નથી તેવું પણ કેટલાક ઝવેરીઓએ જણાવ્યું છે.
સોના કરતાં પ્લેટિનમ લગભગ ૪૦% સસ્તી છે. બુધવારે, પ્લેટિનમની કિંમત ૧૦ ગ્રામ દીઠ ૩૦,૧૨૦રૂપિયાની આસપાસ જોવા મળી હતી. જ્યારે સોનું મલ્ટિકોમોડિટી એક્સચેંજમાં બપોરે ૨.૩૦ વાગ્યે સોનામાં ૧૦ ગ્રામ દીઠ ૪૯,૭૭૯ રૂપિયા પર ટ્રેડ થઈ રહ્યો છે.
ભારતના પ્લેટિનમ ગિલ્ડ ઇન્ટરનેશનલના મેનેજિંગ ડિરેક્ટર વૈશાલી બેનર્જીએ જણાવ્યું હતું કે, “દેશના મોટા ભાગના ભાગોમાં લોકડાઉન બાદ પ્લેટિનમની ખરીદી ઓગસ્ટ મહિનાથી શરૂ થઈ હતી. મહિલાઓ માટે વીંટી અને બ્રેસલેટ સહિત ઉપરાંત શહેરોના પુરુષો પ્લેટિનમની ખાસ કરીને ખરીદી રહ્યા છે. જો કે મુંબઇ, દિલ્લી, પુણે જેવા મહાનગરોમાં પ્લેટિનમની માંગ ઓછી છે.
દેવરિયાના ગોરખપુરમાં સ્ટોર ધરાવતા એશપ્રા જેમ્સ અને જ્વેલ્સના ડિરેક્ટર વૈભવ સરાફે જણાવ્યું હતું કે, વર્ષોથી ખાસ કરીને પુરુષોમાં સફેદ ધાતુ માટે તેની કિંમત પરવડે તેવી અને પસંદગીને કારણે અમે પ્લેટિનમની માંગમાં ૩૦% વૃદ્ધિ જોઈ શકીએ છીએ.
લાલા જુગલ કિશોર જ્વેલર્સના ડિરેક્ટર તાન્યા રસ્તોગીએ જણાવ્યું હતું કે, ભારતીય પુરુષોનો પ્લેટિનમ તરફ વધુ ઝુકાવ છે. કારણ કે, તેમના માટે સોનું ચળકતું લાગે છે. જ્યારે સોનાની તુલના કરવામાં આવે ત્યારે મને નથી લાગતું કે સોનાના વધતા ભાવથી પ્લેટિનમની માંગ વધારવામાં મદદ મળી છે. પ્લેટિનમ સોનાની જેમ રોકાણ માટે નથી. તદુપરાંત પ્લેટિનમ ગિલ્ડ ઇન્ટરનેશનલ અને જ્વેલરી બ્રાન્ડ્સ દ્વારા રચિત માર્કેટિંગ ઝુંબેશોએ હજારો વર્ષોમાં ભાવનાત્મક જોડાણ મેળવ્યું છે અને તે જ કારણો છે કે તેઓ પ્લેટિનમ ખરીદવાનું પસંદ કરે છે. જોકે ભારતીય જ્વેલરી માર્કેટમાં સોના વધુ ખરીદદારોને આકર્ષિત કરે છે, પ્લેટિનમ ધીમે ધીમે ભારતીય બજારમાં પ્રવેશ કરી રહ્યું છે.
