પુત્ર પ્રેમમાં ધ્રૃતરાષ્ટ્ર બન્યા હિતેશ પંડયા !!!
પીએમઓ કાર્યાલયનો મહત્વનો હોદો ધારણ કરી ઝેડ પ્લસ સુરક્ષા મેળવનાર કિરણ પટેલની કાશ્મીર કોર્ટે જામીન અરજી રદ કરી
કિરણ પટેલે ઇન્ટર નેશલન સમિટ જી-20ની ફાઇવ સ્ટાર હોટલમાં બેઠક બોલાવી હતી
કિરણ પટેલના સાગરિત અમિત પંડયાને યુવા ભાજપમાંથી હાકી કઢાયો: પૂર્વ મંત્રીના ભાઇનો બંગ્લો પચાવી પડાયો!
મહાઠગ કિરણ પટેલે પીએમઓ કાર્યલયમાં મહત્વનો હોદો ધારણ કરી કાશ્મીરમાં ઝેડ પ્લસ સુરક્ષા મેળવવામાં કિરણ પટેલની ધરપકડ થયા બાદ તેા કાળા કરતુત અંગે એક પછી એક કૌભાંડના પડ ઉખડી રહ્યા છે. પુત્ર પ્રેમમાં ધ્રૃતરાષ્ટ્ર બનેલા સીએમ કાર્યાલયના પીઆરઓ હિતેશ પંડયા દ્વારા કરાયેલી ગોઠવણોનો પણ પર્દાફાશ થશે અને ટૂંક સમયમાં જ તેને રૂકસદ આપવામાં આવે તેવો તખ્તો ગોઠવવામાં આવ્યો છે.
ખોટા હોદા અને ઉચ્ચ અધિકારીને અપાતા સીમ કાર્ડની સિરિઝના નંબર મેળવી આઇએએસ અને આઇપીએસ અધિકારીઓ પર રોફ જમાવતા કિરણ પટેલે ભાજપના પૂર્વ મંત્રીના ભાઇનો બંગલો પચાવી પાડવાનો કારસો રચયાની અને મુંબઇની એક વ્યકિતનો બંગલો પાંચ વર્ષથી પચાવી પાડયા અંગેનું સામે આવતા અમદાવાદ ક્રાઇમ બ્રાન્ચ દ્વારા કિરણ પટેલ સામે ગુના નોંધવાની તજવીજ કરી રહ્યુેં છે. અમદાવાદ ક્રાઇમ બ્રાન્ચની એક ટીમ તપાસ અર્થે કાશ્મીર પહોચી ગઇ છે. કિરણ પટેલની ગેંગમાં સામેન અમિત પંડયાને ભાજપમાંથી રડતો કરવામાં આવ્યો છે અને તેના પિતા હિતેશ પંડયાને સીએમ કાર્યાલયમાંથી પીઆરઓમાંથી છુટો કરવાનો તખ્તો ગોઠવાયો છે.
ખોટા હોદા ધારણ કરી સમગ્ર દેશમાં ચર્ચાનો વિષય બનેલા કિરણ પટેલની કાશ્મીર કોર્ટ દ્વારા જામીન પર છુટવાની અરજી ફગાવી દીધી છે. તેના કાળા કરતુતનો ભાંડો ફટતા અને તેની સામે એક પછી એક કૌભાંડ સામે આવી રહ્યા છે. ત્યારે પોલીસ દ્વારા તેની ધરપકડ કરવાના ચક્રોગિતમાન કર્યા છે. અમદાવાદ ક્રાઇમ બ્રાન્ચના ડીસીપી ચૈતન્ય મંડલીકના માર્ગ દર્શન હેઠળ ક્રાઇમ બ્રાન્ચની એક ટીમ કાશ્મીર પહોચી છે. અમિત પંડયા અને જય સિતાપરા હાલ કાશ્મીર પોલીસના સકંજામાં છે ત્યારે અમિત પંડયાના કારણે ભાજપની છબી ખરડાતી હોવાથી તેને મિડીયા સેલમાંથી હાકી કાઢવામાં આવ્યો છે. અને છેલ્લા 20 વર્ષથી સીએમ કાર્યાલયમાં પીઆરઓ તરીકે ગોઠવાયેલા હિતેશ પંડયાએ પણ ગાંધીનગરમાં બે સરકારી બંગલા મેળવી પોતાના રસોયાને રહેવા માટે આપી દીધાનું સામે આવ્યું છે. ટૂંક સમયમાં હિતેશ પંડયાને પણ પીઆરઓ પદેથી પાણીચુ ાપવામ્ં આવે તેવો તખ્તો ગોઠવાયો છે.
કિરણ પટેલે ભાજપના પૂર્વ મંત્રી જવાહર ચાવડાના ભાઇ જગદીશ ચાવડાના શિલજ ખાતે આવેલા 18 કરોડના બંગલાનું રિનોવેશ કરવા માટેનું કામ રાખી બંગલો પચાવી પાડવા જગદીશ ચાવડાના નામુ બોર્ડ હટાવી કિરણ પટેલે પોતાના નામુ બોર્ડ લગાવી દીધુ હતુ એટલુ જ નહી આ બંગલામાં હવન અને પૂજા પાઠ કરી પોતે રહેવા આવવાની પેરવી કર્યાનું પોલીસ તપાસમાં બહાર આવ્યું છે. આ ઉપરાંત કિરણ પટેલે મુંબઇના વનારામ નામની વ્યક્તિના ઘોડાસરના પ્રેસ્ટિજ ખાતેનો બંગલો પાંચ વર્ષ પહેલાં ભાડે રાખી ભાડુ ન આપી પચાવી પાડયા અંગેની બહાર આવતા કિરણ પટેલ અને તેની પત્ની સામે પોલીસ દ્વારા કાર્યવાહી શરુ કરી છે. કિરમ પટેલ, અમિત પંડયા અને જય સિતાપરાને ભાજપના જ કેટલાક નેતાોનું પીઠબળ હોવાથી અનેક કૌભાંડ કર્યાના જગદીશ ચાવડાએ આક્ષેપ કર્યા છે.
