વોટ્સએપ સાથે દુનિયામાં હજારો લોકો જોડાયેલા છે. વોટ્સએપે લોકોને અવનવીન ફીચર આપીને આકર્ષિત કર્યા છે. વોટ્સએપ યુઝર્સને ટૂંક સમયમાં મોટી રાહત મળવા જઈ રહી છે. વોટ્સએપ હવે યુઝર્સને તેમની ભૂલ સુધારવાનો વધુ મોકો આપવા જઈ રહ્યું છે. હાલમાં, જો તમે ભૂલથી કોઈ મેસેજ મોકલ્યો હોય, તો તે સંદેશને મર્યાદિત સમય ગાળામાં કાઢી નાખવાનો વિકલ્પ છે. વોટ્સએપે મેસેજ ડિલીટ કરવા માટે 16 સેકન્ડ, 8 મિનિટ અને 1 કલાકનો સમય નક્કી કર્યો છે. પરંતુ હવે વોટ્સએપ દ્વારા સમય મર્યાદામાં વધારો કરવામાં આવશે.
ટૂંક સમયમાં જ યુઝર્સને WhatsApp તરફથી એક નવું ફીચર મળવા જઈ રહ્યું છે. WhatsApp ડિલીટ ફોર એવરીવનનો આ સમયગાળો વધારીને 2 દિવસ કરવા જઈ રહ્યું છે. આ નવું ફીચર લોન્ચ થયા બાદ જો તમે બે દિવસ પહેલા કોઈ મેસેજ મોકલ્યો હશે તો તેને પણ ડિલીટ કરી શકશો.
એક રિપોર્ટ અનુસાર, WhatsApp દ્વારા નવી સમય મર્યાદાનો રોલઆઉટ શરૂ કરવામાં આવી રહ્યો છે. આ અપડેટ સૌપ્રથમ તે વપરાશકર્તાઓ માટે ઉપલબ્ધ થશે જેઓ WhatsAppના નવીનતમ બીટા એન્ડ્રોઇડ વર્ઝનનો ઉપયોગ કરી રહ્યાં છે. કંપની 1 કલાક 8 મિનિટ અને 16 સેકન્ડનો સમયગાળો વધારીને 2 દિવસ 12 કલાક કરવા જઈ રહી છે. ગૂગલના બ્લોગ અનુસાર, કંપનીએ આ ફીચર બીટા ટેસ્ટર્સ માટે રોલઆઉટ કર્યું છે. આ ફીચર બીટા યુઝર્સ માટે બહુ જલ્દી ઉપલબ્ધ થશે.
WhatsApp વતી, ગ્રુપના એડમિનને કોઈપણ મેસેજ ડિલીટ કરવાનો અધિકાર આપવામાં આવશે. હાલમાં તે જ વ્યક્તિ વોટ્સએપ ગ્રુપના મેસેજને ડીલીટ કરી શકે છે, જેના દ્વારા વોટ્સએપ ગ્રુપમાં મેસેજ મોકલવામાં આવ્યો હોય. તેમજ વ્હોટ્સએપ મેસેજ કોણે ડિલીટ કર્યો છે, તેની માહિતી ગ્રુપના બાકીના સભ્યોને નોટિફિકેશન દ્વારા આપવામાં આવશે.
