રોડ ટ્રાન્સપોર્ટ અને હાઈવે મંત્રી નીતિન ગડકરીએ ભાવિ ભારતનો સમગ્ર ચિતાર રજૂ કર્યો
અબતક, નવી દિલ્હી : ભારતમાં આગામી સમયમાં હાઇવે, ટ્રાન્સપોર્ટેશન અને ફ્યુલ કેવા હશે ? તેનો સમગ્ર ચિતાર રોડ ટ્રાન્સપોર્ટ અને હાઈવે મંત્રી નીતિન ગડકરીએ રજૂ કર્યો છે. તેઓએ કહ્યું કે ઓવરહેડ ઇલેક્ટ્રિક કેબલ્સવાળા હાઇવે, દેશના મોટાભાગનો ટ્રાફિક લોડ લેતા એક્સપ્રેસવે અને પેટ્રોલ-ડીઝલ બાંધકામ સાઇટ્સ સહિત દરેક જગ્યાએ ગ્રીન ઇંધણનો વપરાશ દેશમાં નવી ક્રાંતિ સર્જશે.
રોડ ટ્રાન્સપોર્ટ અને હાઈવે મંત્રી નીતિન ગડકરી પર અનેક આરોપો લાગતા રહે છે. પરંતુ તેમના આકરા ટીકાકાર પણ તેમને બિનકાર્યક્ષમ કહેશે નહીં. કેબિનેટ મંત્રી તરીકે નિયુક્ત થયાના બે વર્ષમાં “મોદી સરકારમાં શ્રેષ્ઠ પ્રદર્શન કરનાર મંત્રી” તરીકે વખાણવામાં આવતા, ગડકરી કઈક નવું કરવા હમેશા આગળ રહે છે.
તેમની કાર્યક્ષમતા કદાચ એક મુખ્ય કારણ છે કે તેમને દેશના હાઇવે સિસ્ટમનો હવાલો આપવામાં આવ્યો છે. અટલ બિહારી વાજપેયી વડાપ્રધાન હતા ત્યારથી જ ભાજપને રોડ પ્રોજેક્ટ પ્રિય છે. વાજપેયીનો ડ્રીમ પ્રોજેક્ટ ગોલ્ડન ચતુર્ભુજ હતો, જે મુખ્ય શહેરોને જોડવા માટે હાઇવેનું નેટવર્ક હતું. તેવું જણાવીને ગડકરીએ કહ્યું કે ગ્રીનફિલ્ડ હાઇવેના અનેક ફાયદા છે. જેમાં રસ્તાને પહોળો અથવા વિસ્તૃત કરવામાં આવે છે. સીધી રેખામાં આવતા હોવાથી તે અંતર ઘટાડે છે, મુસાફરીનો સમય બચાવે છે અને બળતણ ખર્ચ ઘટાડે છે. ગ્રીનફિલ્ડના રસ્તાઓ પણ ‘ગ્રીન હાઇવે’ હશે કારણ કે તેમાં બિટ્યુમેનમાં રબર અને પ્લાસ્ટિકના મિશ્રણ સહિત પર્યાવરણને અનુકૂળ ટેક્નોલોજીનો ઉપયોગ થશે.
ઓવરહેડ ઇલેક્ટ્રિક કેબલ ધરાવતા હાઇવે નિર્માણથી ઇ-વહીકલને મળશે પ્રોત્સાહન
ગ્રીનફિલ્ડ હાઈવે જયપુર-દિલ્હી ઈ-કોરિડોરના ફાયદાઓ પર નીતિન ગડકરી બોલ્યા કે ઓવરહેડ ઈલેક્ટ્રીકલ કેબલ ધરાવતો 195 કિમીનો હાઈવે ભારતનો પ્રથમ હશે. જે ટ્રક અને બસની બેટરી ચાર્જ કરશે. અખબારના અહેવાલો અનુસાર, હમણાં માટે, ફક્ત 20% હાઇવે પર આ વિશેષ કોરિડોર હશે. પરંતુ, ગડકરીએ સમજાવ્યા મુજબ, એકવાર મોટા પાયે અપનાવવામાં આવેલી ટેક્નોલોજી મુસાફરી અને પરિવહનમાં ક્રાંતિ લાવી શકે છે.
ઇ-હાઇવેનું નેટવર્ક આગામી ત્રણ-ચાર વર્ષમાં તૈયાર થઈ જશે
ભારતના પ્રથમ ઈ-હાઈવે પર નીતિન ગડકરીએ કહ્યું કે આ ટેક્નોલોજીનું જર્મનીમાં સફળતાપૂર્વક પરીક્ષણ કરવામાં આવ્યું છે. જો કે, જ્યારે સમગ્ર હાઇવેમાં 26 ગ્રીન/ગ્રીનફિલ્ડ હાઇવેને ઇલેક્ટ્રિફાઇડ કરી શકાય છે. આ યોજના 26 હાઇવે બનાવવાની છે જે સામૂહિક રીતે દેશના રોડ નેટવર્કમાં 12,000 કિમીનો ઉમેરો કરશે. આ દેશના કેટલાક મોટા શહેરો, મંદિર-નગરો અને પ્રવાસન સ્થળોને જોડશે. આ સમગ્ર નેટવર્ક આગામી ત્રણથી ચાર વર્ષમાં ઉપયોગ માટે તૈયાર થઈ જશે.
દેશનો 70થી 80 ટકા ટ્રાફિક રાષ્ટ્રીય ધોરી માર્ગો પર સ્થળાંતરીત કરાશે
રાષ્ટ્રીય ધોરીમાર્ગોનું વિસ્તરણ મહત્વપૂર્ણ રીતે કરાશે. ભારતના 40% થી વધુ રોડ ટ્રાફિક રાષ્ટ્રીય ધોરીમાર્ગોનો ઉપયોગ કરે છે. જોકે, હાઈવે દેશના રોડ નેટવર્કનો માત્ર 2% હિસ્સો બનાવે છે. આ અસંતુલનને હાઈવેના વિસ્તરણ સાથે ઠીક કરવામાં આવશે. એકવાર વર્તમાન વિસ્તરણ યોજના પૂર્ણ થઈ જાય, દેશનો 70 થી 80% ટ્રાફિક રાષ્ટ્રીય ધોરીમાર્ગો પર હશે.
બેથી ત્રણ વર્ષમાં જ ઇ-વ્હીકલની કિંમત પેટ્રોલ-ડીઝલવાળા વાહનો જેટલી થઈ જશે
ગડકરીના જણાવ્યા અનુસાર, ભારત ક્રૂડ ઓઈલની આયાત માટે વાર્ષિક રૂ. 8 લાખ કરોડથી વધુ ખર્ચ કરે છે. આગામી પાંચ વર્ષમાં આ ખર્ચ 25 લાખ કરોડ રૂપિયા સુધી જઈ શકે છે. ગડકરીએ કહ્યું કે હાઇબ્રિડ મોટર એન્જિનને પ્રોત્સાહન આપવામાં આવશે. તેમણે એમ પણ કહ્યું હતું કે મોટર એન્જિન માટે કૃષિ કચરામાંથી બનાવેલ બાયો-સીએનજી અને બાયોએલએનજીનો ઉપયોગ કરવામાં આવશે. તેમણે કહ્યું કે બેથી ત્રણ વર્ષમાં ઇલેક્ટ્રિક ટુ-વ્હીલર, થ્રી-વ્હીલર અને કારની કિંમત અશ્મિભૂત ઇંધણથી ચાલતા ટુ-વ્હીલર, થ્રી-વ્હીલર અથવા કાર જેટલી જ હશે.
ગંદા પાણી અને સૌર ઉર્જાનો ઉપયોગ કરીને હાઇડ્રોજનનું ઉત્પાદન કરાશે
હાઇડ્રોજન કેવી રીતે ભારતની 5 ટ્રિલિયન ડોલરની અર્થવ્યવસ્થાને ગ્રીન હાઇડ્રોજનનું સ્વપ્ન બનાવી શકે છે. તેના જવાબમાં ગડકરીએ કહ્યું કે સરકારનું આગળનું પગલું ગંદા પાણી અને સૌર ઉર્જાનો ઉપયોગ કરીને હાઇડ્રોજનનું ઉત્પાદન હશે. તેમણે કહ્યું કે બેંગ્લોરમાં એક સ્ટાર્ટ-અપ છે જે યુ.એસ.માં ઈલેક્ટ્રોલાઈઝર એટલે કે પાણીને હાઈડ્રોજન અને ઓક્સિજનમાં વિભાજીત કરવા માટે વીજળીનો ઉપયોગ કરતા ઉપકરણો નિકાસ કરે છે.તેની મદદ લેવાશે. અંતમાં તેઓએ ‘ગ્રીન હાઇડ્રોજન’ને ભવિષ્યનું બળતણ ગણાવ્યું હતું.
