ગાંધીજીના સમયના અબજોપતિ ઉદ્યોગપતિ, હવે ચોથી પેઢી બિઝનેસ સંભાળી રહી છે
બીઝનેસ ન્યુઝ
છેલ્લા કેટલાક વર્ષોમાં ભારતમાં અબજોપતિ ઉદ્યોગપતિઓની સંખ્યામાં ઝડપથી વધારો થયો છે. સ્ટાર્ટઅપ કલ્ચરના આગમન બાદ યુવા ઉદ્યોગ સાહસિકો પણ ઝડપથી પ્રગતિ કરી રહ્યા છે. પરંતુ, શું તમે આઝાદીના સમયના અબજોપતિ ઉદ્યોગપતિઓ વિશે જાણો છો?
આમાંના કેટલાક ઉદ્યોગપતિઓએ તો દેશના સ્વાતંત્ર્ય સંગ્રામમાં ભાગ લીધો હતો અને અનેક આંદોલનોમાં મહાત્મા ગાંધીનો સાથ આપ્યો હતો. આવો તમને જણાવીએ આઝાદી પહેલાના અબજોપતિ ભારતીય ઉદ્યોગપતિઓ વિશે…
તમે ટાટા, બિરલા અને બજાજ જેવા ઔદ્યોગિક ગૃહોના નામ તો સાંભળ્યા જ હશે. દેશની આઝાદી સમયે આ બ્રાન્ડ્સના સ્થાપકો અબજોપતિ ઉદ્યોગપતિ હતા. બજાજ ગ્રુપના પિતા તરીકે ઓળખાતા જમનાલાલ બજાજે લગભગ 100 વર્ષ પહેલા 1920માં સુગર મિલ સાથે બજાજ ગ્રુપનો પાયો નાખ્યો હતો.
ખાસ વાત એ છે કે ઉદ્યોગપતિ હોવાની સાથે જમનાલાલ બજાજે દેશની આઝાદી અને રાજકીય ચળવળોમાં પણ સક્રિય ભૂમિકા ભજવી હતી. જમનાલાલ બજાજની ત્રીજી અને ચોથી પેઢી તેમનો ઔદ્યોગિક વારસો સંભાળી રહી છે. હાલમાં બજાજ ગ્રૂપમાં 25થી વધુ કંપનીઓ છે, જેનું વાર્ષિક ટર્નઓવર રૂ. 280 અબજથી વધુ છે.
બિરલા ગ્રૂપના સ્થાપક ઘનશ્યામ દાસ બિરલા પણ સ્વતંત્રતા કાળ દરમિયાન પ્રખ્યાત ઉદ્યોગપતિ હતા. તેઓ ગાંધીજીના મિત્રો, સલાહકારો અને મહત્વપૂર્ણ સહયોગીઓમાંના એક હતા. આજે બિરલા ગ્રુપ દેશનું પ્રખ્યાત ઔદ્યોગિક ગૃહ છે. બિરલા ગ્રુપ પાસે 195 અબજ રૂપિયાથી વધુની સંપત્તિ છે. હાલમાં ઘનશ્યામ દાસ બિરલાની ત્રીજી પેઢી તેમનો ઔદ્યોગિક વારસો સંભાળી રહી છે. કુમાર મંગલમ બિરલા આદિત્ય બિરલા ગ્રુપના ચેરમેન છે.
સ્વતંત્ર ભારતના અબજોપતિઓની યાદીમાં જહાંગરી રતનજી દાદાભોય ટાટા એટલે કે જેઆરડી ટાટાનું નામ પણ સામેલ છે તેઓ ટાટા ગ્રુપના ચેરમેન હતા. આઝાદી પહેલા, જેઆરડી ટાટાએ 1925માં કોઈપણ પગાર વિના ટાટા એન્ડ સન્સમાં તાલીમાર્થી તરીકે તેમની કારકિર્દી શરૂ કરી હતી.
માત્ર 13 વર્ષ પછી, તેમની ક્ષમતાના આધારે, તેઓ 1938 માં ટાટા એન્ડ સન્સના અધ્યક્ષ તરીકે ચૂંટાયા. હવે આ જૂથની કંપનીઓની કુલ માર્કેટ કેપ US $311 બિલિયન છે.
