આમતો સ્ટાઈલિસ્ટ લૂક, મોટી સ્ક્રિન અને દમદાર બેટરીવાળો સ્માર્ટફોન આજકાલના લોકોની પહેલી પસંદ છે. જોકે ચીનની યુનિહર્ટ્સ કંપનીએ તેનાથી સાવ વિપરીત એવું નોર્મલ સ્માર્ટફોન કરતાં અડધી સાઈઝનો ૪જી સ્માર્ટફોન લોન્ચ કર્યો છે. જેલી નામનો અા એન્ડ્રોઈડ સ્માર્ટફોન દેખાવમાં ટચુકડો છે પરંતુ તેના ફિચર્સ અને ભાવ અાકર્ષક છે. તેમાં ૧.૧ ગિગાહર્ટ્સનું ક્વાર્ડકોર પ્રોસેસર છે. જેલી મોડલમાં ૧ જીબી રેમ્પ અને ૮ જીબી સ્ટોરેજ છે જેલી પ્રોમોમાં ૨ જીબી રેમ્પ અને ૧૬ જીપી સ્ટોરેજ છે. ૮ મેગા પિક્સલ રિયર અને ૨ મેગા પિક્સલ ફ્રન્ટ કેમેરા છે. જેલી મોડલ ૩૭૯૦ અને જેલી પ્રો ૪૮૧૪ રૂપિયામાં મળશે.
