૨૦૧૮ને વિદાય આપવા અને નવા વર્ષને આવકારવા મોટી સંખ્યામાં લોકો ઉ૫સ્થિત રહ્યા
સરગમ કલબ દ્વારા ૨૦૧૮ને વિદાય આપવા અને ૨૦૧૯ને આવકારવા રંગારંગ કાર્યક્રમનું આયોજન કરવામાં આવ્યું હતું અને લોકોએ મોડે સુધી કાર્યક્રમને માણ્યો હતો. વેલકમ-૨૦૧૯ મ્યુઝિકલ પાર્ટીનું આયોજન કરવામાં આવ્યું હતું અને તેમાં નવા વર્ષનું સંગીતમય સ્વાગત કરજવામાં આવ્યું હતું.
આ પૂર્વે સરગમી ભોજન યોજવામાં આવ્યું હતું. સરગમ કલબના પ્રમુખ ગુણવંતભાઇ ડેલાવાળાએ સૌને આવકાર્યા હતા. આ પ્રસંગે લોકો ૨૦૧૮ના વર્ષમાં સરગમ કલબે કરેલા સેવાકીય કાર્યોને યાદ કરતા હતા. આ કાર્યક્રમમાં ઉઘોગપતિ મૌલેશભાઇ પટેલ, મનીષભાઇ માદેકા, હરેશભાઇ લાખાણી, નાથાભાઇ કાલરીયા, રાકેશભાઇ પોપટ, મહેન્દ્રભાઇ ફળદુ, વેજાભાઇ રાવલીયા, પ્રવીણભાઇ જસાણી, મયુરભાઇ પોપટ, નિલેશભાઇ સામાણી, મીતેનભાઇ મહેતા, નીલુબેન મહેતા વગેેરે મહાનુભાવો ઉ૫સ્થિત રહ્યા હતા.
ભોજન સમારોહ બાદ મ્યુઝીકલ મેલોઝના રાજુભાઇ ત્રિવેદીના સંગાથે મ્યુઝીકલ નાઇટ યોજવામાં આવી હતી. અને તેમાં ગાયક કલાકારો સલીમ મલિક (અમદાવાદ) આસીફ જેરીયા, સોનલ ગઢવી, પ્રીતી ભટ્ટ અને કાજલ કથ્રેચા (રાજકોટ) વગેરેએ જુના નવા ગીતોની રમઝટ બોલાવી હતી. હેમુ ગઢવી હોલમાં યોજાયેલા આ રંગારંગ કાર્યક્રમને લોકોએ મોડે સુધી માણ્યો હતો અને અંતે નવા વર્ષને ઉત્સાહભેર આવકારી સૌ છુટા પડયા હતા. આ કાર્યક્રમને સફળ બનાવવા માટે ગુણવંતભાઇ ડેલાવાળાના માર્ગદર્શન હેઠળ રમેશભાઇ અકબરી, રાજેેન્દ્ર શેઠ, ભરતભાઇ સોલંકી, ઘનશ્યામભાઇ પરસાણા, ધીરુભાઇ હીરાણી, અલ્કાબેન કામદાર, જયશ્રીબેન રાવલ, ગીતાબેન હીરાણી, વગેરેએ જહેમત ઉઠાવી હતી.
