વોર્ડ નં.૧૭માં આવેલી વોર્ડ ઓફિસમાં અધિકારીઓની નિંભરતાના કારણે અનેક નાગરિકો પરેશાન થઈ રહ્યાં છે. આ ઓફિસે અધિકારીઓને આવવાનો સમય ૯:૩૦ વાગ્યાનો છે પરંતુ અધિકારીઓના કામકાજ ઉપર કોઈ નજર રાખનારું ન હોય તેમ અહીં ઓફિસ ૧૧:૦૦ વાગ્યે પણ બંધ રહે છે.પરિણામે વહેલી સવારથી ડસ્ટબીન લેવા સહિતના કામ માટે આવેલા લોકોને કલાકો સુધી લાઈનમાં ઉભુ રહેવું પડે છે. આ ઓફિસે સીનીયર સીટીઝનથી લઈ તમામ લોકો આવતા હોય છે. આજરોજ વોર્ડ નં.૧૭ની વોર્ડ ઓફિસએ લોકો વેરો ભરવા માટે અને ડસ્ટબીન લેવા માટે સવારના ૧ થી ૧:૩૦ કલાકથી લાઈનમાં ઉભા હતા અને એટલું જ નહીં આ વોર્ડ ઓફિસએ ડસ્ટબીન લેવા જવા માટેનો સમય જનતાને મોબાઈલમાં મેસેજ મળ્યો હતો. એટલે એ સમયે જ પ્રજાએ વોર્ડ આફિસે આવી હતી. પરંતુ અધિકારીઓ જ સમયને બેધ્યાન કરી રહ્યાં હોય એવું લાગી રહ્યું છે અને તંત્રએ સજાગ થવાની જ‚રી છે. એટલું જ નહીં પ્રજા પોતાનો સમય અને કામ એક તરફ રાખી નક્કી કરેલા સમયએ પહોંચે છે અને દૂર વિસ્તારથી આવીને લોકો ત્યાં અધિકારીઓનો ઈંતજાર કરી રહ્યાં છે. ત્યારે અધિકારીઓ હાજર ન રહેતા લોકોએ એવી માંગ ઉઠાવી છે કે સમય પ્રમાણે અધિકારીઓ આવે તો સા‚ રહે.
