મલ્ટીબ્રાન્ડ રિટેલમાં વિદેશી રોકાણ પર નિયંત્રણને કારણે વોલમાર્ટનો ફ્લિપકાર્ટ સાથે ભાગીદારીનો પ્રસ્તાવ
અગ્રણી ઇ-કોમર્સ કંપની ફ્લિપકાર્ટ સાથે વોલમાર્ટની વાટાઘાટમાં ભારતમાં રિટેલ સ્ટોર્સની ચેઇન શરૂ કરવાના પ્રસ્તાવનો સમાવેશ થાય છે. એક ઇન્વેસ્ટમેન્ટ બેન્કરના જણાવ્યા અનુસાર આવું થશે તો બંને કંપનીની લાંબા સમયની ઇચ્છા પૂરી થશે.
વોલમાર્ટ અત્યારે ફ્લિપકાર્ટનો ૩૦ ટકાથી વધુ હિસ્સો ખરીદવા ચર્ચા કરી રહી છે. જોકે, ફ્લિપકાર્ટની નવી રોકાણકાર સોફ્ટબેન્કના વાંધાને કારણે વોલમાર્ટને કંપનીમાં માત્ર ૨૦ ટકા હિસ્સો મળવાની શક્યતા છે. સોફ્ટબેન્ક ફ્લિપકાર્ટમાં ૨૦.૮ ટકા હિસ્સો ધરાવે છે.
એક ઇન્વેસ્ટમેન્ટ બેન્કરે જણાવ્યું હતું કે, ફ્લિપકાર્ટ લાંબા સમયથી ઓફલાઇન સ્ટોર્સ શરૂ કરવાની યોજના ધરાવતી હતી અને યોગ્ય ભાગીદારની શોધમાં હતી. વોલમાર્ટ મલ્ટિ-બ્રાન્ડ રિટેલમાં વિદેશી રોકાણ પર નિયંત્રણને કારણે રિટેલ સ્ટોર્સ શરૂ કરી શકી નથી. તે અત્યારે હોલસેલ બિઝનેસનું સંચાલન કરે છે.
ફ્લિપકાર્ટ ભારતમાં વૈશ્વિક જાયન્ટ એમેઝોનને પહોંચી વળવા સક્રિય છે અને ગયા સપ્તાહે જણાવ્યું હતું કે, કંપની TPG અને શ્રીરામ ગ્રૂપ પાસેથી રિટેલ ચેઇન વિશાલ મેગા માર્ટને ખરીદવાની યોજના ધરાવે છે. ફ્લિપકાર્ટ, વોલમાર્ટ અને સોફ્ટબેન્કે આ બાબતે કંઈ કહેવાનો ઇનકાર કર્યો હતો.
રિટેલ સેક્ટરના નિષ્ણાતોના જણાવ્યા અનુસાર ફ્લિપકાર્ટ અને વોલમાર્ટની ભાગીદારીથી ફ્લિપકાર્ટનો રિટેલ બિઝનેસ તેમજ વોલમાર્ટનો કરિયાણા અને ક્ધઝ્યુ ગૂડ્ઝ બિઝનેસ મજબૂત બનશે. વોલમાર્ટ બિઝનેસ-ટુ-બિઝનેસ કંપની ૨૧ બેસ્ટ પ્રાઇસ મોડર્ન હોલસેલ સ્ટોર્સ દ્વારા ભારતમાં અત્યારે પણ હાજરી ધરાવે છે.
ફ્લિપકાર્ટ સાથે વોલમાર્ટની વાટાઘાટ સફળ રહેશે તો ફ્લિપકાર્ટ ક્ધઝ્યુ ગૂડ્ઝ અને કરિયાણું વોલમાર્ટના હોલસેલ સ્ટોર્સ પાસેથી પણ ખરીદી શકશે. તેને લીધે કંપનીની પ્રોડક્ટ ઉપલબ્ધતા અને ડિલિવરી સ્પીડમાં સુધારો નોંધાશે. રિટેલ સ્ટોરની ભાગીદારીને કારણે ફ્લિપકાર્ટના ગ્રાહકો ઓનલાઇન ઓર્ડર મૂકી શકશે અને તેમની ખરીદી સ્ટોર્સ પરથી મેળવી શકશે. સૂત્રના જણાવ્યા અનુસાર વોલમાર્ટે ફ્લિપકાર્ટ દ્વારા ક્ધઝ્યુ ગૂડ્ઝનું વેચાણ કરતી માર્કેટપ્લેસ સેલર શરૂ કરવી પડશે. અગાઉ વોલમાર્ટે ભારતી એન્ટરપ્રાઇઝિસ સાથે ભાગીદારી કરી હતી, પણ ૨૦૧૩માં તેની પર પૂર્ણવિરામ મુકાયું હતું. ત્યાર પછી વોલમાર્ટે ફ્લિપકાર્ટમાં ૨૦૧૬માં રોકાણ શરૂ કર્યું હતું.
એ પહેલાં તેણે ભારતમાં કોઈ કંપની સાથે ભાગીદારી કરી ન હતી. વોલમાર્ટની ફ્લિપકાર્ટ સાથેની હાલની વાટાઘાટ તેના રોકાણ મુજબ આગળ વધવાનો અંદાજ છે. જેમાં ટેન્સેન્ટનું પીઠબળ ધરાવતી ચીનની કંપનીના મેનેજમેન્ટમાં કોઈ ફેરફાર કરવામાં આવ્યો ન હતો. એમેઝોનની સ્પર્ધાને પહોંચી વળવા વૈશ્વિક ભાગીદારીના ભાગરૂપે વોલમાર્ટ-ટેન્સેન્ટની ભાગીદારી હવે ભારતમાં પણ આકાર લઈ રહી છે. ફ્લિપકાર્ટમાં પ્રારંભિક તબક્કે રોકાણ કરનારી ન્યૂ યોર્કની ટાઇગર ગ્લોબલ મેનેજમેન્ટમાં પણ સૌથી મોટી રોકાણકાર હતી.
