ર૧મીએ જમ્મુ-કાશ્મીર સામે પ્રથમ ટકકર: કેપ્ટન તરીકે જયદેવ ઉનડકટને જવાબદારી
બીસીસીઆઇની વિજય હજારે વન-ડે ટ્રોફી ૨૦૨૦-૨૧ માટે સૌરાષ્ટ્ર ક્રિકેટ એસો.ની વરીષ્ઠ પસંદગી સમિતિની બેઠક મળી હતી જેમાં સૌરાષ્ટ્રના ખેલાડીઓની પસંદગી કરવામાં આવી હતી. આ ટ્રોફીની મેચ કલકતા ખાતે યોજાશે.
સમિતિ દ્વારા કપ્તાન તરીકે જયદેવ ઉનડકત ઉપર વધુ એક વખત જવાબદારીનો કળશ ઢોળવામાં આવ્યો છે. આ ઉપરાંત ટીમમાં અવી બારોટ, ચીરાગ જાની, ધર્મેન્દ્રસિંહ જાડેજા, હાર્વિક દેસાઇ, અર્પિત વસાવડા, કમલેશ મકવાણા, વિશ્ર્વરાજસિંહ જાડેજા, ચેતન સાકરીયા, પ્રેરક માંકડ, દિવ્યરાજસિંહ ચૌહાણ, જય ચૌહાણ, પાર્થ ભુત, અગ્નિવેશ અયાશી, સ્નેલ પટેલ, કિશન પરમારની પસંદગી કરવામાં આવી છે. તેમજ હિમાલય બારડ કુશાંગ પટેલ, પાર્થ ચૌહાણ અને દેવાંગ કરમટા ઉપર પણ પસંદગીનો કળશ ઢોળવામાં આવ્યો છે.
હેડ કોચ તરીકે સિતાંશુ કોટક, કોચ તરીકે નિરજ ઓડેદરા, હેડ ફીઝીયો તરીકે અભિષેક ઠાકર, આસી. કોચ તરીકે વિરેન્દ્ર વેગડા અને મેનેજર તરીકે ભૂષણ ચૌહાણને જવાબદારી સોંપવામાં આવી છે.
