શનિવારે વડી દીક્ષા વિધિ
અબતક, રાજકોટ
ગોંડલ સંપ્રદાયના પૂ.ધીરજમુનિ મ.સા. રાજવીજી મ.સા. આદિ ઠાણા વિરાણી પૌષધશાળાથી તા.15ને બુધવારે સવારે 7:30 કલાકે સંઘ સહિત વિહાર કરીને વસુબેન જે કોઠારી પરિવારના ડો.રાજુભાઇ કોઠારીના નિવાસે પધાર્યા બાદ માંગલિક થશે. પૂ.વિમલાજી મ.સ. આદિ આરાધના ભવન, ઇન્દ્રપ્રસ્થનગર પધારશે. ગુરૂવારે સવારે વિમલનાથ ઉપાશ્રય (ગોપાલચોક) પધારશે.
જ્યારે પૂ.ધીરગુરૂદેવ ગુરૂવારે વિરાણી પૌષધશાળા ખાતે સવારે 7:30 કલાકે માંગલિક ફરમાવી વૈશાલીનગર સુવિધિનાથ ઉપાશ્રયે પધારશે.
જ્યારે તા.18ને શનિવારે સવારે 8:45 થી 9:15 કલાકે સમૂહ ભક્તામર અને 9:15 કલાકે માતા ધીરજબેન પ્રભુલાલ જેઠાલાલ પટેલ હ.જયશ્રી સુભાષ પટેલ પ્રેરિત પૂ.રાજવીજી મ.સ.ની વડીદીક્ષા વિધી ડુંગર દરબાર, પ્રમુખ સ્વામી ઓડીટોરિયમ આલાપ ગ્રીન સિટી સામે, રૈયા રોડ, સાધુ વાસવાણી રોડ કોર્નર ખાતે યોજાશે.
રાજકોટ મોટા સંઘ પ્રેરિત દીક્ષા મહોત્સવ પ્રસંગે રજતશ્રીફળ, જીવદયા કળશના લાભાર્થી અજયભાઇ શેઠ અને તિલકના લાભાર્થી દક્ષાબેન મુકેશભાઇ કામદારનું સન્માન કરાયું હતું.
