આજે યશોદા જયંતિ, માતાઓ માટે ખૂબ ખાસ

Yashoda Jayanti 2025: માતા યશોદા જયંતિ ફાલ્ગુન મહિનાના કૃષ્ણ પક્ષના છઠ્ઠા દિવસે ઉજવવામાં આવે છે. વર્ષ 2025માં, આ પવિત્ર ઉપવાસ 18 ફેબ્રુઆરીના રોજ મનાવવામાં આવે છે. ચાલો જાણીએ યશોદા જયંતિના વ્રતનું ધાર્મિક મહત્વ, આ વ્રત દરમિયાન કયા કાર્યો કરવા જોઈએ અને કઈ બાબતો ટાળવી જોઈએ?

ફાલ્ગુન મહિનાના કૃષ્ણ પક્ષના છઠ્ઠા દિવસે માતા યશોદા જયંતિ ઉજવવામાં આવે છે. આ તિથિએ ભગવાન કૃષ્ણનો ઉછેર કરનાર માતા યશોદાનો જન્મ થયો હતો. પૌરાણિક કથાઓ અનુસાર, ભગવાન કૃષ્ણનો જન્મ માતા દેવકીને ત્યાં થયો હતો, પરંતુ તેમનો ઉછેર માતા યશોદા દ્વારા ગોકુળમાં નંદબાબાના સ્થાન પર થયો હતો. હિન્દુ ધર્મમાં માતા યશોદાને ખૂબ માન અને સન્માન આપવામાં આવે છે. તેથી, ફાલ્ગુન કૃષ્ણ પક્ષની ષષ્ઠી તિથિએ માતા યશોદા અને ભગવાન કૃષ્ણની પૂજા કરવામાં આવે છે. તો ચાલો જાણો યશોદા જયંતિના વ્રતનું શું મહત્વ છે, આ વ્રતમાં શું કરવું અને શું ન કરવું?

યશોદા જયંતિનું મહત્વ

યશોદા જયંતિ એ એક પવિત્ર હિન્દુ તહેવાર છે. જે માતા યશોદા અને ભગવાન કૃષ્ણ વચ્ચેના અતૂટ પ્રેમ અને માતૃત્વના બંધનને સમર્પિત છે. આ તહેવાર મુખ્યત્વે માતાઓ દ્વારા તેમના બાળકોના લાંબા આયુષ્ય, સ્વાસ્થ્ય અને સુખી જીવનની કામના કરવા માટે ઉજવવામાં આવે છે. મોટાભાગની માતાઓ તેમના બાળકોના લાંબા આયુષ્ય અને સુખી જીવન માટે આ વ્રત રાખે છે. જો કે આ વ્રત ઉત્તર ભારતમાં પણ ઉજવવમાં આવે છે, પરંતુ ગુજરાત, મહારાષ્ટ્ર અને દક્ષિણ ભારતીય રાજ્યોમાં તેને ખૂબ જ ધામધૂમ અને ઉલ્લાસ સાથે તહેવારની જેમ ઉજવે છે. આ ઉપવાસ માતાના સ્નેહ અને બાળકો પ્રત્યેના તેના અપાર પ્રેમનું મહત્વ ઉજાગર કરે છે.

ઉપવાસ કરતા પહેલા આ કામ કરો

યશોદા જયંતિનો ઉપવાસ ધાર્મિક દ્રષ્ટિકોણથી ખૂબ જ શુભ અને પુણ્યશાળી માનવામાં આવે છે. વિધિ અનુસાર આ વ્રત રાખવાથી ભક્તોને માતા યશોદાના આશીર્વાદ મળે છે અને પરિવારમાં સુખ-શાંતિ રહે છે. ઉપવાસ શરૂ કરતા પહેલા સંકલ્પ લેવો જરૂરી છે. સંકલ્પ દરમિયાન, વ્યક્તિએ માતા યશોદા અને ભગવાન કૃષ્ણનું ધ્યાન કરવું જોઈએ અને પૂર્ણ શ્રદ્ધા અને નિયમોનું પાલન કરીને ઉપવાસ કરવાની પ્રતિજ્ઞા લેવી જોઈએ. ઉપવાસના દિવસે સંયમ અને સત્વનું પાલન કરવું મહત્વપૂર્ણ છે.

ઉપવાસ પહેલાં આહારના નિયમો

પ્રચલિત માન્યતા અનુસાર, યશોદા જયંતીના દિવસે ઉપવાસ કરતા પહેલા મીઠાઈઓ અને ફળો ખાવાની પરંપરા છે.  તેમજ એવું માનવામાં આવે છે કે ઉપવાસ શરૂ કરતા પહેલા ખોરાક ન લેવો જોઈએ, નહીં તો ઉપવાસનો સંપૂર્ણ લાભ પ્રાપ્ત થતો નથી. આ વ્રત પાણી વગરના ઉપવાસ કરતાં વધુ ફળદાયી માનવામાં આવે છે. પરંતુ જો કોઈ માટે પાણી વગરનો ઉપવાસ મુશ્કેલ હોય, તો ફળોનું સેવન પણ કરી શકાય છે.

તુલસીની પૂજા કરવાનું ભૂલશો નહીં

યશોદા જયંતીના દિવસે વ્રત રાખતા પહેલા તુલસી માતાની વિધિવત પૂજા કરવી અત્યંત શુભ માનવામાં આવે છે. તુલસી માતા ભગવાન કૃષ્ણને ખૂબ જ પ્રિય છે અને તુલસીના પાન વિના કોઈપણ પૂજા કે પ્રસાદ અધૂરો માનવામાં આવે છે. તેથી, આ વ્રત માટે પ્રતિજ્ઞા લેતા પહેલા, વ્યક્તિએ તુલસીની પૂજા કરવી જોઈએ, જે ઉપવાસનું પુણ્ય વધુ વધારે છે. તેથી, યશોદા જયંતિ વ્રત શરૂ કરતા પહેલા તુલસીની પૂજા કરવી જરૂરી છે, જેથી ઉપવાસ અને પૂજાની અસર વધુ શુભ રહે અને ભગવાન શ્રીકૃષ્ણના આશીર્વાદ મેળવી શકાય.

અસ્વીકરણ : અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે અબતક મીડિયા કોઈપણ માહિતીનું સમર્થન કે પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો.