કંપનીમાં મોટી માત્રામાં સોલવન્ટ સહિતના અત્યંત જ્વલનશીલ પદાર્થનો સંગ્રહ : ભારે દોડધામ
વાપી જીઆઇડીસીની એક કંપનીમાં ભીષણ આગ ફાટી નીકળી હોવાનું સામે આવ્યું છે. જેને પગલે આસપાસની કંપનીઓમાં દોડધામ મચી ગઇ હોવાનું જાણવા મળ્યું છે. બીજી તરફ જ્યાં આગ લાગી છે તે કંપનીમાં સોલવંટ સહિતના અત્યંત જ્વલનશીલ પદાર્થનો જથ્થો સંગ્રહાયેલો હોવાનું જાણવા મળ્યું છે.વાપી જીઆઇડીસી ખાતે આવેલી સોલવંટનું ટ્રેડિંગ કરતી કંપનીમાં ભીષણ આગ ફાટી નીકળતા દોડધામ મચી ગઈ છે. એચઆરડી અને એચપી પટેલ ટ્રેડિંગ કંપનીમાં ભીષણ આગ લાગતા 6થી વધુ ફાયર બ્રિગેડની ટીમ ઘટના સ્થળે દોડી આવી છે. આગ બેકાબૂ થતાં કંપનીમાં મોટા ભાગમાં પ્રસરી ગઈ છે. જેને કારણે આસપાસની કંપનીમાં પણ દોડધામ મચી ગઈ છે. ઘટના સ્થળે મોટી સંખ્યામાં લોકો ઉમટતા ટોળા વિખેરવા પોલીસે કડકાઈ વાપરવી પડી હતી. કંપનીમાં મોટી માત્રામાં સોલવંટ સહિત અત્યંત જ્વલનશીલ પદાર્થનો સંગ્રહ છે. પોલીસ અને વાપી ઈમરજન્સીની ટીમ પણ ઘટના સ્થળે પહોંચી છે.
