- દોડકા ગામે એક જ રાતમાં 5 મકાનમાં ચોરી
- ગામમાં ત્રાટકેલા તસ્કરોએ તમામ ઘરોમાંથી રોકડ રકમ અને સોના-ચાંદીના દાગીનાની ચોરી કરી ફરાર
- સમગ્ર મામલે પોલીસ દ્વારા વધુ તપાસ હાથ ધરવામાં આવી છે
દિવસે ને દિવસે રાજ્યમાં ચોરીના બનાવો વધતાં જાય છે. લોકો નાની નાની વસ્તુથી લઈ મોટી મોટી વસ્તુઓની ચોરી કરતાં હોય છે. કાં…..તો રોકડ રકમની ચોરી, સોનાના દાગીનાની ચોરી, તેમજ લોકો મંદિરમાંથી કાં…..તો ધરમાંથી, કાં…..તો બેંકમાંથી ચોરી કરતાં હોવાનું સામે આવ્યું છે. આવો જ એક બનાવ સામે આવ્યો છે. વડોદરાના દોડકા ગામે તસ્કરોએ એક જ રાતમાં 5 મકાનને નિશાન બનાવી રોકડ રકમ સહિત લાખોની કિંમતના સોના ચાંદીના દાગીનાની ચોરી કરી ફરાર થઇ જતા ગામમાં હાહાકાર મચી જવા પામ્યો છે.
વડોદરાના દોડકા ગામે તસ્કરોએ આ-તંક મચાવ્યો હતો. એક જ રાતમાં 5 મકાનને નિશાન બનાવી રોકડ રકમ સહિત લાખોની કિંમતના સોના-ચાંદીના દાગીનાની ચોરી કરી ફરાર થઇ જતા ગામમાં હાહાકાર મચ્યો હતો. સમગ્ર મામલે ભાદરવા પોલીસે અજાણ્યા તસ્કરો વિરુદ્ધ ગુનો નોંધી ફરાર તસ્કરોને ઝડપી પાડવા તજવીજ હાથ ધરી છે.
અનુસાર માહિતી મુજબ, વડોદરા જિલ્લાના ભાદરવા પોલીસ મથક વિસ્તારમાં આવેલા દોડકામાં 5 ઘરોના તાળા તૂટતા હાહાકાર મચી ગયો હતો. ગામમાં ત્રાટકેલા તસ્કરોએ તમામ ઘરોમાંથી કુલ મળીને રૂપિયા 14.14 લાખના સોના-ચાંદીના દાગીના, રોકડની ચોરી કરી ફરાર થઇ ગયા હતા. તસ્કરો ગામની સીમમાં બોક્સમાંથી દાગીના કાઢી ફેંકી દેવામાં આવેલા બોક્સ મળી આવ્યા હતા. આ બનાવ અંગે ભાદરવા પોલીસ મથકમાં ફરિયાદ નોંધાઇ છે. પોલીસે ફરિયાદના આધારે તપાસ હાથ ધરી છે.
5 ઘરના તાળા તૂટતા સ્થાનિકોમાં ફફડાટ
ફરિયાદ મુજબ 10, એપ્રિલ ગુરૂવારે 3:30 થી 5:30ના સમય ગાળામાં દોડકામાં તસ્કરોએ મોટા હાથફેરાનો અંજામ આપ્યો છે. બે કલાકના ગાળામાં પાંચ મકાનના તાળા તૂટ્યા હતા. આ મોટા હાથફેરામાં સોના-ચાંદીના ઘરેણા મળીને કુલ રોકડ રકમની મત્તા તસ્કરો ચોરી કરી ગયા છે. સમગ્ર ઘટનાને પગલે પંથકમાં તસ્કરોનો હાહાકાર મચી ગયો છે. જેને પગલે સ્થાનિકોમાં ફફડાટ જોવા મળ્યો છે.
સીમમાંથી દાગીનાના ખાલી બોક્સ મળ્યાં
તસ્કરો મકાનોમાંથી સામાનની ચોરી કર્યા બાદ ગામની સીમમાં કિંમતી મુદ્દામાલ કાઢી દાગીનાના ખાલી બોક્સ ફેંકી ફરાર થઇ ગયા હતા. તસ્કરો બાઇક ઉપર આવ્યા હોય તેવું સામે આવ્યું છે. સમગ્ર મામલે પોલીસ દ્વારા વધુ તપાસ હાથ ધરવામાં આવી છે.
