ધ્રોલથી લગ્નની ખરીદી કરી પરત ફરતા મુસ્લિમ પરિવારની રીક્ષા અને કાર અથડાઇ
ટંકારા પડધરી માર્ગ પર નેકનાક ગામના પાટીયા પાસે કાર અને રીક્ષા વચ્ચે અકસ્માતમાં વાંકાનેરના દીધડીયા ગામના યુવક અને યુવક અને પ્રૌઢના મોત નીપજયા હતા. જયારે ત્રણને ઇજા થતા સારવાર અર્થે હોસ્પિટલમાં ખસેડવામાં આવ્યા છે. પોલીસ પ્રાપ્ત વિગત મુજબ વાંકાનેર તાલુકાના દીધડીયા ગામે રહેતા સેરશીયા પરિવાર સીએનજી રીક્ષા લઇ ધ્રોલ ખાતે લગ્નની ખરીદી કરી મોડી સાંજે પરત દીધડીયા આવી રહ્યા હતા ત્યારે ટંકારા પડધરી માર્ગ પર આવેલા નેકનામ ગામે પાસે પહોચ્યા ત્યારે સામેથી પુરપાટ ઝડપે આવતી કારે સીએનજી રીક્ષાને હડફેટે લેતા સર્જાયેલા અકસ્માતમાં રીક્ષામાં બેઠેલા સેરસીયા ઇલમુદીન નામના ર૮ વર્ષીય યુવાન અને શેરસીયા હુસેનભાઇ નામના પ૦ વર્ષના પ્રૌઢને ગંભીર ઇજા પહોચતા મોત નિપજયું છે. જયારે ઘવાયેલા બકકાલીયા આરીફ, શેરસીયા અસરફ અને શેરસીયા અસલમ સહીત ત્રણેય યુવકોને ૧૦૮ મારફતે મોરબી ખાતે સારવારમાં ખસેડવામાં આવ્યા છે. આ બનાવની જાણ પોલીસને થતા ઘટના સ્થળે દોડી જઇ કાગળો કરી મૃતકનું પી.એમ. કરાવી કાર ચાલક સામે ગુનો નોંધી તપાસ હાથ ધરી છે. નાના એવા દીધડીયા ગામમાં એક સાથે બે વ્યકિતના મોતથી અરેરાટી વ્યાપી ગઇ છે.
