- શાળાઓમાં આવી પહેલથી વારસાની જાગૃતિ અને જાળવણી માટે સકારાત્મક પ્રભાવ લાવશે: કલેકટર પ્રભવ જોશી
ઇન્ડિયન નેશનલ ટ્રસ્ટ ફોર આર્ટ એન્ડ કલ્ચરલ હેરિટેજ (ઇન્ટેક)ના રાજકોટ ચેપ્ટરે વિદ્યાર્થીઓમાં સાંસ્કૃતિક વારસાની જાગૃતિ અને પ્રશંસા વધારવા માટેનું વારસો શિક્ષણ અભિયાન શરૂ કર્યું છે. આ અભિયાનમાં રાજકોટ જિલ્લા પ્રશાસન અને જિલ્લા શિક્ષણ વિભાગનો પૂરો સહયોગ મળી રહ્યો છે.
રાજકોટ જિલ્લા પ્રશાસન દ્વારા ઇન્ટેક રાજકોટ આ અભિયાન માટે ખાસ કાર્યક્રમ રચના માટે આમંત્રિત કરાયું હતું. આ પહેલ પ્રાથમિકત્વે સ્થાનિક વારસો ઉજાગર કરવા પર ભાર મૂકે છે અને રાજકોટ અને સૌરાષ્ટ્ર-ગુજરાત ક્ષેત્રના સમૃદ્ધ સાંસ્કૃતિક અને ઐતિહાસિક વારસાને અન્વેષિત કરવા માટે મોખરાનું સ્થાન ધરાવે છે.
આ અભિયાનના ભાગ રૂપે વોટ્સન મ્યુઝિયમ, લેંગ લાઇબ્રેરી, મહાત્મા ગાંધી મ્યુઝિયમ અને કબા ગાંધી નો ડેલો જેવા પ્રખ્યાત વારસાના સ્થળોની મુલાકાત શામેલ છે, જે વિદ્યાર્થીઓને વિસ્તારના ઇતિહાસ અને સંસ્કૃતિ સાથે સક્ષમ થવામાં મદદરૂપ થશે.
આ અભિયાન અંગે રાજકોટ જિલ્લા કલેક્ટર અને જિલ્લા મેજિસ્ટ્રેટ પ્રભાવ જોષીએ જણાવ્યું હતું: “આપણો વારસો આપણું ગૌરવ અને જવાબદારી છે. આ કાર્યક્રમ દ્વારા આપણે સ્થાનિક વારસાના મહત્વને હાઇલાઇટ કરવું જોઈએ, જેથી યુવા મનોમાં તેની ઊંડા સ્તરે પ્રશંસા વિકસે. શાળાઓમાં આવી પહેલો રજૂ કરવી વારસાની જાગૃતિ અને જાળવણી માટે સકારાત્મક પ્રભાવ લાવશે.”
આ અભિયાન રાષ્ટ્રીય શિક્ષણ નીતિ (NEP) 2020 સાથે સુસંગત છે, જે સાંસ્કૃતિક શિક્ષણને પાઠ્યક્રમ સાથે સંકલિત કરીને વિદ્યાર્થીઓના સર્વાંગી વિકાસ પર ભાર મૂકે છે. તે સાથે જ PM SHRI (પ્રાઇમ મિનિસ્ટર સ્કૂલ્સ ફોર રાઇઝિંગ ઈન્ડિયા) શાળાઓના આદેશોને પણ પૂરક છે, જે શૈક્ષણિક ઉત્કૃષ્ટતા સાથે વારસો શિક્ષણના આધુનિક ઉદાહરણ તરીકે સેવા આપે છે. રાજકોટ જિલ્લાના 18 18 PM SHRI શાળા આ પહેલમાં શામેલ છે અને શૈક્ષણિક શ્રેષ્ઠતા સાથે વારસો શિક્ષણના સંકલનમાં આગેવાન છે.
આર્કિટેક્ટ રિદ્ધિ શાહ, ઇન્ટેક રાજકોટ ચેપ્ટરના
ક્ધવીનર,એ શ્રીમતી પુર્ણિમા દત્ત, ડિરેક્ટર, હેરિટેજ એજ્યુકેશન એન્ડ કમ્યુનિકેશન સર્વિસિસ (HECS) ડિવિઝન, ઇન્ટેક, નવી દિલ્હી, અને ડો. કલ્પા માનેક, વડા, ઇતિહાસ વિભાગ, સૌરાષ્ટ્ર યુનિવર્સિટી, રાજકોટ,નો આ અભિયાનની સફળ યોજનામાં અને અમલમાં તેમના અનમોલ સહકાર બદલ આભાર વ્યક્ત કર્યો. તેમણે ઇન્ટેક રાજકોટની તેમની પ્રતિબદ્ધ ટીમ-મનિષ પારેખ, મિતેશ જોષી, વિદાંશી ધોળારિયા-અને સૌરાષ્ટ્ર યુનિવર્સિટીના વિદ્યાર્થીઓ પાર્થ દવે, ધ્રુવિલ મકવાણા, કૌશિક જોષી, જાગૃતિ પરમાર અને જ્યોતિ સિંહને આ પહેલને જીવંત બનાવવામાં તેમની મહેનત માટે દિલથી આભાર માન્યો.
