- બિકાનેરમાં સર્જાયો મોટો માર્ગ અકસ્માત
- સ્પીડમાં આવતી કારે ટ્રકને ટક્કર મારતાં 2 બાળકો સહિત એક જ પરિવારના 6 સભ્યોના મોત
બીકાનેરમાં ગુરુવારે મોડી રાત્રે એક મોટો માર્ગ અકસ્માત થયો હતો. આ અકસ્માતમાં એક જ પરિવારના 6 લોકોના કરૂણ મોત નિપજ્યા હતા. ભરતમાલા રોડ મહાજનના જેતપુર ટોલ પાસે, એક ઝડપી કારે આગળ જઈ રહેલી ટ્રકને ટક્કર મારી હતી. આ અકસ્માતમાં મૃત્યુ પામેલા તમામ લોકો એક જ પરિવારના હતા. અકસ્માત બાદ કાર સંપૂર્ણ નાશ પામી હતી. મળતી માહિતી મુજબ, હરિયાણા નંબરવાળી કારમાં સવાર લોકો ડબવાલી, હનુમાનગઢના રહેવાસી હતા. મૃત્યુ પામેલા તમામ લોકો કારમાં મુસાફરી કરી રહ્યા હતા. અકસ્માત એટલો ભયાનક હતો કે આગળના ભાગેથી કારનો ટૂકડો થઈ ગયો હતો.
અકસ્માત બાદ કારમાં હાજર લોકો કલાકો સુધી ફસાયેલા રહ્યા હતા. ઘણી મહેનત બાદ તેને બહાર કાઢવામાં આવ્યો હતો. ટક્કર એટલી જોરદાર હતી કે અકસ્માત સમયે બે મુસાફરો કારમાંથી કૂદીને રોડ પર પટકાયા હતા અને ઘટનાસ્થળે જ મૃત્યુ પામ્યા હતા. આ અકસ્માતમાં આખો પરિવાર મૃત્યુ પામ્યો હતો. અકસ્માતમાં મૃતકોની ઓળખ આરતી, ડોબુ, ભૂમિકા, નીરજ કુમાર, શિવ કુમાર તરીકે થઈ છે. અકસ્માતનું કારણ વધુ ઝડપ હોવાનું કહેવાય છે. માહિતી મળ્યા બાદ લુણકરનસર સીઓ ટીમ સાથે ઘટનાસ્થળે પહોંચી અને એમ્બ્યુલન્સ બોલાવી. અકસ્માત એટલો ભયંકર હતો કે અંદર ફસાયેલા લોકોને બહાર કાઢવા માટે ક્રેન બોલાવવી પડી હતી.
