તા. ૨.૩.૨૦૨૫ , રવિવાર ,સંવંત ૨૦૮૧, ફાગણ સુદ ત્રીજ, ઉત્તરાભાદ્રપદા નક્ષત્ર , શુભ યોગ, તૈતિલ કરણ , આજે જન્મેલાંની ચંદ્ર રાશિ મીન (દ,ચ,ઝ,થ) રહેશે.
મેષ (અ,લ,ઈ) : વિદ્યાર્થીવર્ગે વધુ મહેનત કરવી પડે, સ્ત્રીવર્ગએ સમજીને ચાલવું પડે,નિર્ણયમાં ઉતાવળ ના કરવી.
વૃષભ (બ,વ,ઉ) : આકસ્મિત લાભ થાય,જુના મિત્રોને મળવાનું બને,મનની વાત વ્યક્ત કરી શકો, શુભ દિન.
મિથુન (ક,છ,ઘ) : વેપારીવર્ગને ખરીદ વેચાણમાં લાભ આપતો દિવસ,નોકરિયાતવર્ગને પણ સારું રહે, આગળ વધી શકો.
કર્ક (ડ,હ) : આધ્યત્મિક ચિંતન થાય,મનોમંથન કરી શકો,ઘણા રહસ્યો પ્રાપ્ત કરી શકો, શુભ દિન.
સિંહ (મ,ટ) : માનસિક વ્યગ્રતા જણાય,મનનું ધાર્યું ના થાય,મૂડ વારંવાર બદલાતો જોવા મળે, મધ્યમ દિવસ.
કન્યા (પ,ઠ,ણ) : મિત્રો સાથે બગડેલા સંબંધ સુધારી શકો, યાત્રા પ્રવાસનું આયોજન કરી શકો, દિવસ આનંદદાયક રહે.
તુલા (ર,ત) : ઘણી નવી પરિસ્થિતિમાં થી પસાર થવાનું આવશે, નવા વાતાવરણને સમજી એ મુજબ ચાલી શકો,દિવસ એકંદરે સારો.
વૃશ્ચિક (ન,ય) : વિદેશ જવા ઇચ્છતા મિત્રો માટે સમય સારો રહે,કામગીરી આગળ વધે, પેપરવર્ક કરી શકો .
ધન (ધ,ભ,ફ,ઢ): પ્રોપર્ટી અંગે યોગ્ય નિર્ણય લઇ શકો,કામકાજ માં પ્રગતિ થાય, આપેલ વાયદા પુરા કરી શકો .
મકર (ખ,જ) : તમારી અંદરની પ્રતિભા બહાર લાવી શકો,ખુદ માટે સમય પણ ફાળવી શકો,કાર્યમાં સફળતા મળે.
કુંભ (ગ,સ,શ ) : પરિવાર માં સુખ શાંતિ રહે,વ્યક્તિગત રીતે કેટલાક પ્રશ્નો મુન્જાવતા જણાય ,ઊંઘ આવવામાં પ્રશ્નો થતા લાગે.
મીન (દ,ચ,ઝ,થ): ઘણા લાંબા સમયથી રાહ જોઈ રહ્યા હો તેવી ઘટના બને,સામાજિક રીતે તમારી સ્વીકૃતિ વધે, શુભ દિન .
જ્યોતિષાચાર્ય રોહિત જીવાણી
— કુંભ રાશિ આવક અને લાભ બતાવે છે
કુંભ રાશિ નભોમંડળની અગિયારમી રાશિ છે, શનિ અને રાહુ તેના અધિપતિ બને છે અને કુંભ રાશિ આવક અને લાભ બતાવે છે વળી મોટા ભાઈ બેન અહીંથી જોવામાં આવે છે તો કોઈ બાબત માટેનો લગાવ, મિત્ર વર્તુળ, મિત્રોથી થતો લાભ, મિત્રોનો પ્રકાર, મિત્રતામાં દગો, વ્યસનની બાબતો અત્રેથી જોવાય છે. અગિયારમું સ્થાન અને કુંભ રાશિ સારા થતા હોય તો વ્યક્તિને આકસ્મિત લાભ પણ થતા હોય છે અને દરેક જગ્યાએથી સારા સમાચાર મળતા હોય છે પણ જો કુંભ રાશિ બગડેતો દગો થવાની અને નુકસાન જવાની સંભાવના રહે છે. કુંભ રાશિ પર શનિ અને રાહુનું આધિપત્ય છે માટે મકરમાં શનિ મહારાજે કરાવેલી મહેનત કરીને આગળ આવે તેને કુંભ રાશિ ફળ આપે છે પણ મકર રાશિમાં એટલે કે દશમે યોગ્ય કર્મના અભાવે કુંભ રાશિ રાહુનું પરિણામ આપે છે અને વ્યક્તિ તેના પૈસાથી ખોટા રસ્તે વળતા પણ જોવા મળે છે તથા તેને એવી વ્યક્તિ કે વસ્તુ કે વ્યસનનો લગાવ થાય છે જેને જાતક છોડી શકતો નથી અને તેના કારણે બદનામ અને બરબાદ થતો જોવા મળે છે. કુંભ રાશિ તેના ચિહન પ્રમાણે કુંભમાં થી કૈક તમારા જીવનમાં રેડે છે તે અમૃત પણ હોઇ શકે અને કૈક અન્ય પદાર્થ પણ હોઈ શકે પરંતુ કુંભ રાશિ પાસેથી શ્રેષ્ઠ મેળવવા માટે કર્મ બાબતે સભાન થવું જરૂરી બને કેમ કે તેના સ્વામી શનિ મહારાજ તો જ પરિણામમાં અમૃત પીરસે છે!
—જ્યોતિષાચાર્ય રોહિત જીવાણી
૭૯૯૦૫૦૦૨૮૨
