તા. ૩૦ .૪.૨૦૨૪ મંગળવાર ,સંવંત ૨૦૮૦ ચૈત્ર વદ છઠ , ઉત્તરાષાઢા નક્ષત્ર , સાધ્ય યોગ, વિષ્ટિ કરણ આજે સવારે ૧૦.૩૬ સુધી જન્મેલાંની ચંદ્રરાશિ ધન (ધ,ભ,ફ,ઢ) ત્યારબાદ મકર (ખ,જ) રહેશે.
મેષ (અ,લ,ઈ) : આંતરિક શક્તિ વધે, દિવ્ય ચેતનાનો વિકાસ થાય, લાભ આપતો દિવસ,પ્રગતિ થાય.
વૃષભ (બ,વ,ઉ) : ભાગ્યની દેવી રીઝતી જણાય,નવીન તક હાથ માં આવે,ધાર્યા કામ પાર પાડી શકો .
મિથુન (ક,છ,ઘ) : મનમાં ચીડિયાપણું રહે ,માનસિક વ્યગ્રતા રહે,મન નું ધાર્યું ના થાય,મધ્યમ દિવસ.
કર્ક (ડ,હ) : ભાગીદારીમાં કામ કરતા મિત્રો ને સારું રહે, દામ્પત્યજીવનમાં સારું રહે,પરિવાર સાથે આનંદ માણી શકો.
સિંહ (મ,ટ) : તબિયતની કાળજી લેવી, ખાણી પીણી બાબત ધ્યાન રાખવા સલાહ છે, જીવનપદ્ધતિમાં ફેરફાર કરવા પડે.
કન્યા (પ ,ઠ ,ણ ) : પ્રણયમાર્ગે આગળ વધી શકો,મનની વાત વ્યક્ત કરી શકો. દિવસ ખુશનુમા વીતે.
તુલા (ર,ત) : તમારા પોતાના શોખ માટે સમય ફાળવી શકો, પરિવાર સાથે સમય વિતાવી શકો ,દિવસ આનંદ માં પસાર કરી શકો.
વૃશ્ચિક (ન ,ય ) : નવી પ્રતિભા કેળવી શકો, રચનાત્મક પ્રવૃત્તિ કરી શકો,આગળ વધવાની તક પ્રાપ્ત થાય.
ધન (ધ ,ભ ,ફ ,ઢ ): તમારા સૌમ્ય વાણી-વર્તનથી લાભ થાય,નોકરિયાતવર્ગને સારું રહે, પ્રગતિકારક દિવસ રહે.
મકર (ખ ,જ ) : તમારા ક્ષેત્રમાં આગળ વધી શકો,વેપારીવર્ગને સારું રહે, સ્તિરવર્ગને મધ્યમ રહે,કામકાજમાં સફળતા મળે.
કુંભ (ગ ,સ,શ ) : ખર્ચ પર અંકુશ રાખવો પડે,આવક જાવક નો મેળ કરવો જરૂરી. વધુ વિશ્વાસે ના ચાલવું.
મીન (દ ,ચ ,ઝ ,થ): નસીબ સાથ આપતું જણાય , આકસ્મિત લાભ થાય,ગમતી વ્યક્તિ સાથે સમય વિતાવી શકો.
–ભારતમાં ડ્રગ્સ ઘુસાડવાની ચેનલો ખુબ એક્ટિવ થઇ છે
અગાઉ અત્રે લખ્યા મુજબ મંગળ રાહુ યુતિ વચ્ચે ભારતમાં ડ્રગ્સ ઘુસાડવાની ચેનલો ખુબ એક્ટિવ થઇ છે અને જળતત્વમાં રાહુ છે ત્યારે દરિયાઈ માર્ગનો ભરપૂર ઉપયોગ ડ્રગ્સ માટે થઇ રહ્યો છે અને ૬૦૦ કરોડના ડ્રગ્સ સાથે આપણી સુરક્ષા એજસીઓએ સમુદ્રમાં થી ૧૫ પાકિસ્તાની પકડી પડ્યા છે તો બીજી તરફ અત્રે લખ્યા મુજબ સમુદ્રી જહાજો પર હુમલા થઇ રહ્યા છે જેનો યોગ્ય જવાબ આપણી સેના આપી રહી છે અને ઘણા દિલધડક ઓપરેશન દરિયામાં થઇ રહ્યા છે વળી યુદ્ધાભ્યાસ પણ સમુદ્રમાં વધી રહ્યો છે આ વચ્ચે સમુદ્રનું પાણી દુષિત ના થાય તે પણ એક ભીતિ છે વળી આ સમયમાં સેનાએ વધુ સતર્ક રહેવાની જરૂર રહેશે કેમ કે મંગળ રાહુ યુતિ પર લખ્યા મુજબ કંબોડીયાના સેના કેમ્પ પર પણ આતંકી હુમલો થયો છે તો શુક્ર અસ્તના થવા સાથે સીને જગત અને શો બિઝનેસમાં કામ કરનાર મિત્રોની મુશ્કેલી વધી છે જે કડીમાં તારક મેહતા ફેઈમ ગુરુચરણ સિંહ લાપતા થયા છે તો એક એપ્લીકેશનના પ્રકરણમાં એક અભિનેતાની ધરપકડ થઇ છે! વળી ઇઝરાયેલના ગાઝા પર એટેક પણ શરુ છે અને અનેક જગ્યા એ જંગલમાં આગની ઘટના પણ સામે આવી છે હજુ દોઢ માસ જેવો સમય ગુરુ અને શુક્રનો અસ્ત છે જે આગામી સમયમાં ઘણી ઘટનાઓ તરફ ઈશારો કરી રહી છે!
—જ્યોતિષાચાર્ય રોહિત જીવાણી — ૭૯૯૦૫૦૦૨૮૨
