હુમલાખોર એક મહિલા સહિત છ શખ્સો સામે નોંધાતો ગુનો
શહેરના પાંજરાપોળ વિસ્તારમાં આવેલા રાધેશ્યામ ચોકમાં રામામંડળ જોતી વેળાએ ગાળો બોલવાના પ્રશ્નને બે મહિલા સહિત ત્રણ પર હુમલો થયો હતો. હુમલામાં ઘવાયેલા ત્રણેયને સારવાર અર્થે દાખલ કરાયા હતા.
આ બનાવ અંગે પોલીસે એક મહિલા સહિત છ સામે ગુનો નોંધી વધુ તપાસ હાથધરી છે.
પોલીસમાંથી પ્રાપ્ત વિગત મુજબ પાંજરાપોળમાં રહેતા બેબીબેન મનુભાઈ સુરેલાના ઘર પાસે આવેલા રાધેશ્યામ ચોકમાં રામા મંડળ જોવા આવેલા જય જવાન જય કિશાન સોસાયટીમાં રહેતા દિકરી જમાઈ નિકિતાબેન ડાભી (ઉ.વ.૨૪) અને મયુર જેરામભાઈ ડાભી (ઉ.વ.૨૭) સાથે ગાળો બોલવાના પ્રશ્ર્ને રાજેશ, જેન્તી, મુન્નો, કેવલ, વિપલ અને ગૌરીએ ઝઘડો કરી ધોકા વતી માર મારતા ત્રણેયને સારવાર અર્થે સિવિલ હોસ્પિટલમાં દાખલ કરાયા હતા. આ બનાવ અંગે બી ડિવીઝન પોલીસે નોંધ કરી વધુ તપાસ હાથધરી છે.
