હરિયાણામાં આવેલી પિકાડિલી ડિસ્ટિલરીઝની સ્થાનિક બ્રાન્ડની વ્હિસ્કી એટ્લે ‘ઈન્દ્રી’
ભારતીય વ્હિસ્કી ‘ઈન્દ્રી’ વિશ્વની સૌથી મોટી અને સૌથી પ્રતિષ્ઠિત વ્હિસ્કી ટેસ્ટિંગ સ્પર્ધામાં વિજયી બની છે. ભારતીય વ્હિસ્કી, ‘ઈન્દ્રી’ને વર્ષ 2023 માટે ‘વ્હિસ્કી ઓફ ધ વર્લ્ડ એવોર્ડ્સ’માં વિશ્વની શ્રેષ્ઠ વ્હિસ્કીનું બિરુદ આપવામાં આવ્યું છે.
‘ઈન્દ્રી’ એ ભારતના હરિયાણામાં આવેલી પિકાડિલી ડિસ્ટિલરીઝની સ્થાનિક બ્રાન્ડ છે. 2021 માં ભારતની પ્રથમ ટ્રિપલ-બેરલ સિંગલ માલ્ટ વ્હિસ્કી તરીકે લોન્ચ કરવામાં આવેલ, ‘ઈન્દ્રી-ત્રિની’ હવે આંતરરાષ્ટ્રીય સ્તરે પ્રખ્યાત છે. ધ સન્ડે ગાર્ડિયન અનુસાર, છેલ્લા બે વર્ષમાં ઈન્દ્રીએ 14થી વધુ આંતરરાષ્ટ્રીય એવોર્ડ જીત્યા છે. આ દર્શાવે છે કે ભારતીય વ્હિસ્કી ‘ઈન્દ્રી’ એ તેના સ્વાદથી વિશ્વભરના વ્હિસ્કી પ્રેમીઓ પર પોતાની છાપ છોડી છે.
તમને જણાવી દઈએ કે ‘વ્હીસ્કી ઓફ ધ વર્લ્ડ એવોર્ડ્સ’ એક વાર્ષિક ઈવેન્ટ છે. પુરસ્કારોમાં વિશ્વભરની 100 થી વધુ વ્હિસ્કીની જાતો સામેલ છે. જ્યુરી આ બધાનું ખૂબ જ નજીકથી મૂલ્યાંકન કરે છે. ભારતીય વ્હિસ્કી ‘ઈન્દ્રી’ દિવાળી કલેક્ટરની આવૃત્તિ 2023 એ સ્પર્ધામાં સ્કોચ, બોર્બોન, કેનેડિયન, ઓસ્ટ્રેલિયન અને બ્રિટિશ સિંગલ માલ્ટ્સ સહિત અન્ય ઘણા પ્રતિભાશાળી સ્પર્ધકોને હરાવીને પ્રતિષ્ઠિત ટોચનું પુરસ્કાર જીત્યું.
Indian whiskey, the ‘Indri’ is awarded as the best whisky in the world at the 2023 Whiskies of the World Awards. pic.twitter.com/2TzTJTF5nZ
— Indian Tech & Infra (@IndianTechGuide) October 1, 2023
આ સ્પર્ધામાં ઘણી કેટેગરીમાં એવોર્ડ આપવામાં આવે છે. તમામ કેટેગરીમાં બહુવિધ રાઉન્ડમાં સખત પરીક્ષણ પછી આલ્કો-બેવ ઉદ્યોગમાં કેટલાક ટોચના ઉત્પાદકો અને પ્રભાવકોની પેનલ દરેક શ્રેણીમાં એક વ્હિસ્કીને શ્રેષ્ઠ વ્હિસ્કી તરીકે જાહેર કરે છે.
ઈન્દ્રી દિવાળી કલેક્ટરની આવૃત્તિ 2023 એ પીટેડ ઈન્ડિયન સિંગલ માલ્ટ છે જે જવની ખાસ જાતમાંથી બનાવેલ છે. તે ભારતમાં બનેલા પરંપરાગત તાંબાના વાસણોમાં બનાવવામાં આવે છે. ભારતમાં ઉપલબ્ધ શ્રેષ્ઠ સિંગલ માલ્ટ વ્હિસ્કીમાંથી એક, ‘ઈન્દ્રી’ તેની તૈયારીની પદ્ધતિ અને તેમાં વપરાતા ઘટકો દ્વારા વિશેષ બનાવવામાં આવે છે. ઈન્દ્રી વ્હિસ્કી બનાવવાની પ્રક્રિયામાં એક્સ-બોર્બોન ફર્સ્ટ-ફિલ, વર્જિન ઓક, એક્સ-વાઈન અને એક્સ-શેરી પીપડાની વિવિધતાનો સમાવેશ થાય છે. દિલ્હીમાં તેની 750 mlની બોટલની કિંમત 3700 રૂપિયા છે.
