સેનેટની જ્યુડિશિયલ કમિટી સમક્ષ હાજર થયેલા કાશ પટેલનો વીડિયો વાયરલ થઈ રહ્યો છે. આ વીડિયોમાં જોવા મળે છે કે તેઓ કમિટી સામે બેઠા પછી, પહેલા તેમના પિતા અને માતા વિશે જણાવે છે. તેઓ પોતાના માતાપિતાને જય શ્રી કૃષ્ણ કહે છે.
માતા-પિતાના ચરણ સ્પર્શ કર્યા
અમેરિકાના ફેડરલ બ્યુરો ઑફ ઇન્વેસ્ટિગેશન (FBI)ના ડિરેક્ટર પદ માટે ભારતીય મૂળના કાશ પટેલની સેનેટ સમક્ષ રજૂ થયા હતા. સેનેટ સમક્ષ સુનાવણી પહેલા કાશ પટેલે ભારતીય પરંપરા મુજબ પોતાના માતા-પિતાના ચરણ સ્પર્શ કરીને તેમના આશીર્વાદ લીધા હતા. પછી તેની બહેનને ગળે મળ્યા હતા. તેમની આ સ્ટાઈલ જોઈને લોકો આશ્ચર્યચકિત થઈ ગયા છે. કારણ કે આ પહેલીવાર છે જ્યારે કોઈએ સેનેટની સામે તેના માતા-પિતાના પગને સ્પર્શ કર્યો હોય. તેના આ સંસ્કારી પગલાની સોશિયલ મીડિયા પર ખૂબ પ્રશંસા થઈ રહી છે.
‘જય શ્રી કૃષ્ણ’ પણ કહ્યું
એફબીઆઈ ચીફના પદ માટે નોમિનેટ થયેલા કાશ પટેલ જ્યારે કન્ફર્મેશન હાયરિંગ માટે સેનેટ જ્યુડિશિયરી કમિટી સમક્ષ હાજર થયા ત્યારે તેમણે પોતાના માતા-પિતાનો પણ ખાસ રીતે પરિચય કરાવ્યો હતો. કશ પટેલે કહ્યું, “સૌથી પહેલા હું મારા પિતા પ્રમોદ અને માતા અંજનાનું સ્વાગત કરવા માંગુ છું. તેઓ અહીં બેસ્યા છે. મારા ખાસ દિવસે અહીં મારી સાથે રહેવા માટે તે ભારતથી પ્રવાસ કર્યો છે. તેની સાથે મારી બહેન નીશા પણ અહીં છે. મારા ખાસ પ્રસંગમાં હાજરી આપવા માટે તેઓ સમુદ્ર પાર કરીને પણ અહીં આવ્યા છે. તમે લોકો આજે અહીં મારી સાથે છો તે મારા માટે મોટી ક્ષણ છે. જય શ્રી કૃષ્ણ.”
હવે અમેરિકામાં પણ ‘જય શ્રી કૃષ્ણ’ની ગૂંજ સંભળાય છે. જેનો બધો જ શ્રેય ભારતીય મૂળના કાશ પટેલને જાય છે, જેમને ડોનાલ્ડ ટ્રમ્પે FBI ચીફ પદ માટે નોમિનેટ કર્યા છે. જણાવી દઈએ કે તેઓ આ સંદર્ભમાં કન્ફર્મેશન હિયરિંગ માટે સેનેટની જ્યુડિશિયલ કમિટી સમક્ષ હાજર થયા હતા. આ દરમિયાન તેમણે સમિતિના સભ્યો સમક્ષ પોતાના વિચાર રજૂ કર્યા. જ્યારે તેઓ સમિતિ સમક્ષ હાજર થયા હતા, ત્યારે તેમના માતા-પિતા અને તેની બહેન પણ એ હોલમાં હાજર હતા. કાશ પટેલે કમિટીના સભ્યો સાથે તેમના માતા-પિતાનો પરિચય કરાવ્યો અને જય શ્રી કૃષ્ણ કહીને તેમના મોટા-પિતાનું સ્વાગત કર્યું.
વાયરલ થઈ રહ્યો છે કાશ પટેલનો આ વીડિયો
સેનેટની જ્યુડિશિયલ કમિટી સમક્ષ હાજર થયેલા કાશ પટેલનો વીડિયો પણ હવે વાયરલ થઈ રહ્યો છે. આ વીડિયોમાં જોવા મળે છે કે તેઓ કમિટી સામે બેઠા પછી, પહેલા તેમના પિતા અને માતા વિશે જણાવે છે. તેઓ કહે છે કે આ ક્ષણે તમારી સામે મારા માતા-પિતા પણ હાજર છે. તેઓ આ પ્રસંગે મારી સાથે રહેવા માટે ભારતથી અહીં આવ્યા છે. મારી બહેન પણ મારી સાથે છે. તે પણ ભારતથી અહીં ફક્ત મારા માટે આવી છે. આ પછી તેઓ પોતાના માતાપિતાને જય શ્રી કૃષ્ણ કહે છે. અને પછી આગળની પ્રક્રિયા શરૂ થાય છે.
ભારત સાથે રહ્યું છે કનેક્શન
કાશ પટેલ શરૂઆતથી જ ભારત સાથે સંકળાયેલા છે. તેમના માતા-પિતા 70ના દાયકામાં યુગાન્ડાથી કેનેડા ચાલ્યા ગયા હતા. કાશ પટેલનું ગુજરાત સાથે પણ કનેક્શન રહ્યું છે. જણાવી દઈએ કે કાશ પટેલનો જન્મ ન્યુયોર્કના ગાર્ડન સિટીમાં થયો હતો. ચૂંટણી જીત્યા બાદ ડોનાલ્ડ ટ્રમ્પે FBI ચીફ પદ માટે કાશ પટેલના નામનો પ્રસ્તાવ મૂક્યો હતો.
ટ્રમ્પના ખાસ લોકોમાં સામેલ રહ્યા છે કાશ પટેલ
એવું કહેવાય છે કે કાશ પટેલ અમેરિકાના રાષ્ટ્રપતિ ડોનાલ્ડ ટ્રમ્પના ખાસ લોકોમાંથી એક છે. આ જ કારણ છે કે જ્યારે ડોનાલ્ડ ટ્રમ્પે યુએસ રાષ્ટ્રપતિની ચૂંટણીમાં પ્રચંડ વિજય મેળવ્યો, ત્યારે તેમણે તેમના સૌથી ખાસ કહેવાતા કાશ પટેલને FBI ના વડા તરીકે નિયુક્ત કરવાની જાહેરાત કરી.
છેલ્લા છેલ્લા કાર્યકાળમાં જ CIA અથવા FBIના ચીફ બનાવવા માંગતા હતા ટ્રમ્પ
એવું કહેવાય છે કે જ્યારે ડોનાલ્ડ ટ્રમ્પ છેલ્લી વખતે અમેરિકાના રાષ્ટ્રપતિ બન્યા હતા, તેઓ ત્યારે પણ કાશ પટેલને ફેડરલ બ્યુરો ઓફ ઇન્વેસ્ટિગેશન (FBI) અથવા CIA ના ડેપ્યુટી ડિરેક્ટર તરીકે નિયુક્ત કરવા માંગતા હતા. આમ કરીને, તેમનો ઉદ્દેશ્ય ગુપ્તચર એજન્સીઓ પર પોતાની પકડ મજબૂત કરવાનો હતો. જોકે, CIA ડિરેક્ટર ગિના હાસ્પેલે રાજીનામું આપવાની ધમકી આપી હતી અને એટર્ની જનરલ બિલે આ પગલાનો વિરોધ કર્યો હતો. કારણ કે કાશને વિશ્વની સૌથી મોટી ગુપ્તચર એજન્સી ચલાવવાનો બિલકુલ અનુભવ નહોતો. વિરોધને ધ્યાનમાં રાખીને, ટ્રમ્પને આખરે પોતાનો ઈરાદો બદલવો પડ્યો હતો.
