- નવાનાગના ગામમાં સગીરા પર કુટુંબી શખ્સે આચર્યું દુ*ષ્કર્મ
- સગીરા ગર્ભવતી થતા માતાએ બેડી મરીન પોલીસ મથકમાં નોંધાવી ફરિયાદ
- આરોપીએ ટ્રેન નીચે પડતું મૂકી આપ*ઘાતનો પ્રયાસ કરતાં બન્યો ઇજાગ્રસ્ત
જામનગરના નવાનાગના ગામમાં રહેતી સગીરા પર તેના પરિવાર શખસે દુષ્કર્મ આચર્યું હતું. સગીરા ગર્ભવતી બનતા આ મામલો સામે આવ્યો હતો. ત્યારબાદ સગીરાની માતાએ આરોપી સામે બેડી મરીન પોલીસ મથકમાં દુષ્કર્મ અંગેનો ગુનો નોંધાવ્યો હતો. આ ફરિયાદ નોંધાવ્યા બાદ આરોપીએ ટ્રેન નીચે પડતું મૂકી આપઘાતનો પ્રયાસ કરતા ઈજાગ્રસ્ત થયો હતો, હાલ આરોપી સારવાર હેઠળ છે.
15 વર્ષીય સગીરા પર એક કુટુંબી શખ્સે દુષ્કર્મ આચર્યું
અનુસાર માહિતી મુજબ, જામનગરના નવાનાગના ગામમાં સગીરા પર તેણીનાં જ એક કુટુંબી શખ્સે દુ*ષ્કર્મ આચરી હવસનો શિકાર બનાવી હતી. દુ*ષ્કર્મ બાદ સગીરાને પ્રસુતિની પીડા ઉપડતા જામનગરની સરકારી હોસ્પિટલમાં દાખલ કરવામાં આવી હતી. અહીં, તબીબોએ તેણીને ગર્ભવતી જાહેર કરી હતી. સમગ્ર બનાવ બાદ પોલીસે સમગ્ર મામલે સગીરા પર દુ*ષ્કર્મ આચરનાર નરાધમ કુટુંબ સભ્ય સામે દુ*ષ્કર્મ અંગે ગુન્હો દાખલ કર્યો હતો.
બેડી મરીન પોલીસ સ્ટેશનમાં ભોગ બનનાર સગીરાની માતાએ પાડોશમાં જ રહેતા અને નજીકના કુટુંબી એવા 25 વર્ષના શખ્સ સામે દુષ્ક*ર્મ અંગેની ફરિયાદ નોંધાવી હતી. જે અંગે બેડી મરીન પોલીસ મથકમાં આરોપી સામે પોક્સો સહિતની અલગ અલગ કલમો હેઠળ ગુનો નોંધવામાં આવ્યો છે.
આરોપીએ આપઘાત કરવાનો પ્રયાસ કર્યો
દુષ્ક*ર્મનાં આરોપ હેઠળ તેણે ટ્રેન નીચે પડતું મૂકી આપઘાતનો પ્રયાસ કરતાં પોતે ગંભીર ઈજાગ્રસ્ત થયો હતો. આથી, આરોપીને ઈજાગ્રસ્ત હાલતમાં સારવાર અર્થે હોસ્પિટલ ખસેડવામાં આવ્યો છે. હાલ, તેની સારવાર ચાલી રહી છે. આ મામલે, પોલીસે આગળની કાર્યવાહી હાથ ધરી છે. જ્યારે, આ બનાવને પગલે નવાનાગ ગામમાં ભારે ચર્ચા શરૂ થઈ છે.
