- યુવતીની છેડતી કરનાર આરોપીનું સરઘસ કાઢવામાં આવ્યું
- મેહુલ ઝીલરિયા નામના આરોપીને બનાવ સ્થળે લઇ જઈ પોલીસે રિકન્સ્ટ્રક્શન કરાવ્યું
- ભોગ બનનાર યુવતીએ આરોપીનું સરઘસ કાઢવાની માંગ કરી હોવાના આક્ષેપો
મોરબીની અવની ચોકડીએ યુવતીની છેડતી કરનાર ઇસમને પોલીસે ઝડપી લીધો હતો અને ત્યારબાદમાં યુવતીએ વીડિયો જાહેર કરી જાહેર સરઘસ કાઢવાની માંગ કરી હોવાના આક્ષેપો કરવામાં આવ્યા હતા. ત્યારે પોલીસે મેહુલ ઝીલરિયા નામના આરોપીનો વરઘોડો કાઢી ઘટનાસ્થળે લઈ જઈને ઘટનાનું રી- કર્ન્ટ્સશન કરાવ્યું હતું.
મોરબીની રહેવાસી યુવતી કોલેજે નોકરી માટે જતી ત્યારે એકાદ વર્ષથી એક ઇસમ પીછો કરી મોબાઈલ નંબર માંગી હેરાન કરતો હતો તેમજ સોશ્યલ મીડિયામાં રિક્વેસ્ટ મોકલી પરેશાન કરતો હોવાના આક્ષેપો કરવામાં આવ્યા હતા. આ દરમિયાન તાજેતરમાં યુવતી અવની ચોકડી માસીના ઘર પાસે ગઈ હતી ત્યારે ત્યાં બાઇકમાં આવી હેરાન કરતો હતો. જેથી ઇસમને પૂછપરછ કરતાં તેમજ લોકો એકત્ર થઈ જતા મેહુલ ઝીલરિયા નામના આરોપી નાસી ગયો હતો. અવારનવાર હેરાનગતિથી યુવતીએ કંટાળીને આરોપી વિરુદ્ધ ફરિયાદ નોંધાવી હતી.
પોલીસે તરત જ તપાસ ચલાવી આરોપીને દબોચી લીધો હતો. ત્યારબાદ મેહુલ ઝીલરિયા નામના આરોપીને પોલીસ ઘટનાસ્થળે લઈ જઈ જાહેરમાં સરઘસ કાઢયું હતું અને ઘટનાનું રી- રિકન્સ્ટ્રક્શન કરાવ્યું હતું. આ દરમિયાન સ્થાનિકો બહોળી સંખ્યામાં સ્થળ પર જોવા ઉમટી પડ્યા હતા.
