IND vs ENG: ટીમ ઈન્ડિયાનો ઓલરાઉન્ડર રવિન્દ્ર જાડેજા ઈજાના કારણે ઈંગ્લેન્ડ સામેની બીજી ટેસ્ટ મેચમાં રમી શક્યો નહોતો. પરંતુ હવે તે ત્રીજી ટેસ્ટમાંથી મેદાનમાં પરત ફરી શકે છે. રાજકોટમાં યોજાનારી મેચ માટે જાડેજાને પ્લેઈંગ ઈલેવનમાં સ્થાન મળી શકે છે. જો જાડેજા વાપસી કરશે તો ટીમ ઈન્ડિયાને મિડલ ઓર્ડર માટે સારો ખેલાડી મળશે. અહેવાલો અનુસાર જાડેજાએ મંગળવારે રાજકોટમાં ટીમ ઈન્ડિયા સાથે ટ્રેનિંગ લીધી હતી.
ટીમ ઈન્ડિયાના બેટ્સમેન શ્રેયસ અય્યર અને કેએલ રાહુલ ઈજાના કારણે બહાર છે. જાડેજાને પણ ઈજા થઈ હતી. આ કારણોસર તે વિશાખાપટ્ટનમ ટેસ્ટમાં રમ્યો ન હતો. હૈદરાબાદમાં તેણે સારું પ્રદર્શન કર્યું હતું. પરંતુ હવે તે પરત ફરી શકે છે. ઈન્ડિયા ટુડેના એક સમાચાર અનુસાર જાડેજાએ મંગળવારે ટીમ ઈન્ડિયા સાથે ટ્રેનિંગ લીધી હતી. તેણે ઘણી સારી પ્રગતિ કરી છે. કુલદીપ યાદવ પણ રાજકોટ ટેસ્ટ માટે ઉપલબ્ધ છે. તેથી શક્ય છે કે આ બંને ખેલાડીઓને પ્લેઈંગ ઈલેવનમાં સ્થાન મળે.
જાડેજાએ હૈદરાબાદ ટેસ્ટમાં બોલિંગની સાથે બેટિંગમાં પણ શાનદાર પ્રદર્શન કર્યું હતું. તેણે પ્રથમ દાવમાં 87 રન બનાવ્યા હતા. જો કે બીજી ઈનિંગમાં તે બેટથી કંઈ ખાસ કરી શક્યો નહોતો. જાડેજાએ ઇંગ્લેન્ડની પ્રથમ ઇનિંગ દરમિયાન 88 રનમાં 3 વિકેટ લીધી હતી. બીજા દાવમાં તેણે 131 રનમાં 2 વિકેટ ઝડપી હતી. આ પહેલા તેણે ગયા વર્ષે દક્ષિણ આફ્રિકા સામેની ટેસ્ટમાં પણ શાનદાર પ્રદર્શન કર્યું હતું.
તમને જણાવી દઈએ કે ભારત અને ઈંગ્લેન્ડ વચ્ચે ટેસ્ટ સીરીઝની પ્રથમ મેચ 25 જાન્યુઆરીથી હૈદરાબાદમાં રમાઈ હતી. આ મેચમાં ટીમ ઈન્ડિયાને 28 રનથી હારનો સામનો કરવો પડ્યો હતો. આ પછી બીજી ટેસ્ટ 2 ફેબ્રુઆરીથી રમાઈ હતી. ભારતે આ મેચ જીતીને શ્રેણી 1-1થી બરાબર કરી લીધી હતી. હવે ત્રીજી મેચ 15મી ફેબ્રુઆરીથી રાજકોટમાં રમાશે. ભારત અને ઈંગ્લેન્ડ વચ્ચે શ્રેણીની છેલ્લી મેચ 7 માર્ચથી ધર્મશાલામાં રમાશે.
