જોખમી વીજ પોલ હટાવવામાં સમય લાગશે તો અકસ્માતનો લટકતો ભય
દામનગરમાં આખો દિવસ ધમધમતી બજાર લુહાર શેરીમાં પીજીવીસીએલનો વિજ થાંભલો પડુ પડુ સ્થીતીમાં પ્રજાજનો માટે જોખમી બની ઉભું છે. વેપારી અને આગેવાનોએ આ થાંભલો અકસ્માત સર્જ તે પહેલા રીપેર કરાવવાની રજુઆત કરી છે. પીજીવીસીએલના કર્મચારીઓ સ્થળ પર આવી વીઝીટ કરી ગયા હજુ જોખમી રીતે લટકતા વીજ પાવર વાળો થાંભલો રીપેર કરાતો નથી લટકતા વીજ પોલ ના કારણે બે મહીનાથી વારંવાર વીજળી ગુલ થતી રહે છે દામનગર લુંહાર શેરીમાં જોખમી વીજ પોલ તાત્કાલીક ધોરણે હટાવી સંભવિત અકસ્માત અટકાવવા માંગ ઉઠી છે.
