નવરાત્રીના પર્વ આડે હવે ગણતરીના જ દિવસો બાકી રહ્યા છે ત્યારે ઠેર-ઠેર નવરાત્રીની તૈયારીઓ જોરશોરથી ચાલી રહી છે. જેના ભાગ‚પે રાજકોટના ખોડલધામ નોર્થ ઝોન ખાતે નવરાત્રીની તૈયારીને આખરી ઓપ અપાઈ રહ્યો છે.કાર્યકર્તા મોહિતભાઈ પરસાણાએ જણાવ્યું હતું કે, ખોડલધામ નોર્થ ઝોન નવરાત્રી થઈ રહી છે. તેમાં અમે બધા ક્ધવીનરો છેલ્લા ૩ મહિનાથી જહેમત ઉઠાવી રહ્યા છીએ. આ વખતે સ્પેશિયલમાં અમદાવાદથી ટીમ આવી છે. તેમજ અહીં અમે ગામડુ ઉભુ કરવાના છીએ. ટૂંકમાં ગામડાની થીમ આપી છે. આ વખતે સિંગરમાં દેવ ભટ્ટ, હીના મીર, જય દવે રહેશે. આરીફ ચીનાનું ઓરકેસ્ટ્રા રહેશે. તેમજ સાઉન્ડ મહેશનું રહેશે. સિકયોરીટીમાં ૬ બાઉન્સરો ઉભા રહેશે. ૨૦ સિકયોરીટી પર્સન ઉભા રહેશે. તેમજ સીસીટીવી કેમેરાથી આખુ ગ્રાઉન્ડ સજજ રહેશે.
