દાદરાનગર હવેલી દમણ અને દીવનું ર૬ જાન્યુઆરીના રોજ એકીકરણ થયું છે. જે અવસરે પર્યટન વિભાગના અધિક ડાયરેકટર મોહિત મિશ્રા દ્વારા એક વિશાળ રેલીનું આયોજન કરવામાં આવ્યું હતું. જેની શરુઆત એસ.પી. શરદ હરાડેએ લીલી ઝંડી બતાવી હતી. આ રેલી દાદરાનગર હવેલીના સચિવાલયથી નીકળી દમણ સચિવાલય થઇ શાંતિ અને ભાઇચારાના સંદેશ સાથે દાદરાનગર હવેલીના સચિવાલયે પહોંચી હતી. આ રેલીમાં દરેકને ફળ, બિસ્કીટ, જયુશ આપવામાં આવ્યું હતું. તમામને કંપાસ ભેટ સ્વરુપે આપવામાં આવ્યો હતો. લાયન્સ ઇગ્લીશ સ્કુલના આલોકકુમાર ઝા, કૃષ્ણ કેસર એડ એસો.ના સોનિયા સિંહ સ્વરુપા શાહ સહીતના ૧૭૩ લોકોએ ભાગ લીધો હતો.
