બોલિવુડ એક્ટર વરુણ ધવનની ફિલ્મ ‘Judwaa 2’ બોક્સ ઓફિસ પર ધમાલ મચાવી રહી છે. Judwaa 2 ફિલ્મે અત્યાર સુધી ૯૨.૦૨ કરોડનો આંકડો પાર કરી લીધો છે. બસ ૧૦૦ કરોડ ક્લબમાં સામેલ થવા માટે આ ફિલ્મ થોડી દૂર છે. તમને જણાવી દઈએ કે, આ ફિલ્મે પ્રથમ દિવસે ૧૬.૧૦ કરોડ રૂપિયાની કમાણી કરી હતી. ડેવિડ ધવનના નિર્દેશમાં બનેલ ફિલ્મ જુડવા ૨ સિનેમાઘરોમાં ધૂમ મચાવી રહી છે. આ ફિલ્મમાં વરુણ ધવન લીડ રોલમાં છે. જુડવા ૨ સલમાનની વર્ષ ૧૯૯૭ માં સુપરહીટ રહેલ ફિલ્મ જુડવાની સિકવલ છે.
ફિલ્મની સ્ટોરી એક સ્મગલર ચાર્લ્સ (ઝાકિર) ની સાથે શરુ થાય છે. જે એક અમીર બિઝનેશમેન મલ્હોત્રા (સચિન ખેડકર) ની હીરોથી ભરેલી બેગ પાછળ પડે છે. સ્મગલર, મલ્હોત્રાના નવજાત જુડવા બાળકોમાંથી એકને લઈને ગાયબ થઇ જાય છે. તેનું નામ રાજા (વરુણ ધવન) છે. તેનો ફ્રેન્ડ નંદુ (રાજપાલ યાદવ) છે. રાજાનો જુડવા ભાઈ પ્રેમ (વરુણ ધવન) લંડનમાં તેના માતા-પિતા સાથે રહે છે. તે પૂરી રીતે જેન્ટલમેન હોય છે. જ્યારે મુંબઈની ગલીઓ મોટો થયેલો રાજા ટિપિકલ ટપોરી સ્ટાઈલમાં જોવા મળે છે. જુડવા ૧ માં પણ આ સ્ટોરી જોવા મળી હતી. ફિલ્મની સ્ટોરીમાં ત્યારે ટ્વીસ્ટ આવે છે જ્યારે કોઈપણ રીતે પપ્પુ પાસપોર્ટ (જોની લીવર) ના કારણે રાજા લંડન જાય છે. અંતે પ્રેમ-રાજાનું મિલન થાય છે. ત્યારબાદ ફિલ્મની સ્ટોરીમાં ઘણા ટ્વીસ્ટ આવે છે તેના માટે તમારે ફિલ્મ જોવી પડશે.ફિલ્મનું ડીરેક્શન કમાલનું છે. ફિલ્મમાં કોઈ નવીનતા નથી. ફિલ્મમાં કેટલાક પંચ છે, જે સાંભળીને હસવું આવે છે. ફિલ્મની સ્ક્રિપ્ટ અને એડીટિંગ બંને કમજોર છે. ફિલ્મમાં વરુણ ધવનની એક્ટિંગ શાનદાર છે. રાજપાલ યાદવે નંદુનો રોલ પ્લે કર્યો છે. ફિલ્મમાં જેકલીન ફર્નાડીઝ અને તાપસી પન્નુનું કામ સારું છે પરંતુ ફિલ્મમાં બંને પાસે કામ કરવા માટે કંઈ ખાસ નથી. ફિલ્મનું મ્યુઝીક ઠીક-ઠાક છે. ફિલ્મના બે સોંગ જૂની ફિલ્મમાંથી લેવામાં આવ્યા છે. ફિલ્મમાં સોંગ વધારે લાંબા છે. જેના કારણે ફિલ્મ લાંબી થઇ ગઈ છે.
