પાર્સલની આડમાં મંગાવેલ 14,06,000 ની કિંમતના 140 કિલો 600 ગ્રામ ગાંજો ઝડપ્યો
ગાંજાના જથ્થા સાથે બિહારના ઘનચંદ પંડિતની ધરપકડ
પૂર્વ કચ્છ પોલીસ અધિક્ષક સાગર બાગમારે મીડિયા સમક્ષ માહિતી વર્ણવી
ગાંધીધામ બી-ડીવીઝન પોલીસે GIDC વિસ્તારમાં આવેલ બ્લુડાર્ટ કુરીયર સર્વિસની ઓફિસમાં આવેલ પાર્સલની આડમાં મંગાવેલ રૂપિયા 14,06,000 ની કિંમતના 140 કિલો 600 ગ્રામ ગાંજાના જથ્થા સાથે બિહારના ઘનચંદ પંડિતને ઝડપી પાડયો હતો. આ ઉપરાંત કરણ ઉર્ફે શ્યામને પકડવાનો બાકી હોવાનું પોલીસે જણાવ્યુ હતુ. સમગ્ર કામગીરી બી ડિવિઝન પીઆઈ એસ. વી. ગોજીયા, પો. સબ ઇન્સ. એલ. એન. વાઢીયા તથા સર્વેલન્સ સ્ટાફના પોલીસ કર્મચારીઓ દ્વારા કરવામા આવેલ છે.
પોલીસે સેડ નંબર સી-10માં આવેલા 7 પાર્સલ બોક્સમાંથી 140 પેકેટમાં છુપાવેલો ગાંજો શોધી કાઢ્યો હતો. આ મામલે બિહારના કટિયાર જિલ્લાના ધનચંદકુમાર લખનલાલ પંડિત (ઉંમર 28)ની ધરપકડ કરવામાં આવી છે. આ કેસમાં ગાંધીધામના કરણ ઉર્ફે શ્યામનું નામ પણ સામે આવ્યું છે. શંકાસ્પદ વ્યક્તિ પાર્સલ લેવા ન આવતા પોલીસને શંકા ગઈ હતી. ટેક્નિકલ સર્વેલન્સથી જાણવા મળ્યું કે આરોપી બસ મારફતે નાસી જવાની ફિરાકમાં હતો. પોલીસે તેને પકડી પાડ્યો હતો. પંચોની હાજરીમાં 140.600 કિલો ગાંજો કબજે કરવામાં આવ્યો છે. જપ્ત કરાયેલા ગાંજાની કિંમત 14 લાખ રૂપિયા છે.
બ્લુડાર્ટ કુરિયર ઓફિસમાંથી ગાંજાનો જથ્થો ઝડપાયો ગાંધીધામ જી.આઈ.ડી.સી વિસ્તારમાં આવેલી બ્લુડાર્ટ કુરિયર સર્વિસની ઓફિસમાં પાર્સલ બોક્સની આડસમાં ગેરકાયદેસર રીતે નશીલા પદાર્થ ગાંજાનો જથ્થો મોકલવામાં આવ્યો હતો. પોલીસને મળેલી માહિતીના આધારે, નાયબ પોલીસ અધિક્ષક મુકેશ ચૌધરીના માર્ગદર્શન હેઠળ અને પોલીસ ઇન્સ્પેક્ટર એસ.વી. ગોજીયાની ટીમ દ્વારા આ સ્થળે તપાસ હાથ ધરવામાં આવી હતી. જેમાં પાર્સલ બોક્સ નંબર-7ની અંદર પેકેટ નંબર-140માં 140 કિલો 600 ગ્રામ ગાંજાનો જથ્થો મળી આવ્યો. આ પાર્સલ બોક્સ મેળવવા માટે આવેલા ઇસમને શંકાસ્પદ માનવામાં આવ્યો હતો. તે પોલીસ તપાસથી બચવા માટે ગાંધીધામ શહેર છોડી નાસી ટેક્નિકલ સર્વેલન્સથી આરોપીની ધરપકડ પોલીસે ટેક્નિકલ સર્વેલન્સના આધારે આરોપીને ઝડપી પાડ્યો હતો. બ્લુડાર્ટ ઓફિસમાં પંચોની હાજરીમાં ગાંજાનો જથ્થો કબ્જે કરવામાં આવ્યો હતો.
આ કેસમાં આરોપી વિરુદ્ધ ધ નોર્કોટિક્સ ડ્રગ્સ એન્ડ સાયકોટ્રોપિક સબસ્ટેન્ટસિસ એક્ટ હેઠળ કડક કાર્યવાહી કરવામાં આવી છે. પોલીસ દ્વારા વધુ તપાસ હાથ ધરવામાં આવી રહી છે, જેમાં આ ગાંજાનો જથ્થો કોને આપવાનો હતો અને આ ગેરકાયદેસર હેરાફેરીમાં અન્ય કોણ સંડોવાયેલું છે તે જાણવા પ્રયાસ કરવામાં આવી રહ્યો છે.
અહેવાલ: ભરતી મખીજાણી
