દારૂના ધંધાર્થી સાથે સંબંધ તોડી નાખતા મહિલા સહિત ત્રણે માર માર્યાનો નોંધાતો ગુનો.
શહેરના રૈયાધાર મફતીયાપરામાં કડીયા યુવાને દારૂના ધંધાર્થી સાથે સંબંધ તોડી નાખતા ઉશ્કેરાયેલા બુટલેગર સહિત ત્રણ શખ્સોએ છરીથી ખૂની હુમલો કર્યાની પોલીસમાં ફરિયાદ નોંધાઇ છે.
આ અંગેની પોલીસમાંથી પ્રાપ્ત વિગત મુજબ ઢેબર રોડ પર ગોપાલનગરમાં રહેતા વૈભવ ઉર્ફે ભુરો હરેશભાઇ ટાંક નામના ૨૬ વર્ષના કડીયા યુવાનને રૈયાધાર પર રણજીત ઉર્ફે કાનો ઉર્ફે ટિકિટ અરવિંદ ગોહેલ, ભરતદાન ભીમદાન ગઢવી અને કાજલબેને ઢીકાપાટુ મારી છરીથી હુમલો કર્યાની ગાંધીગ્રામ પોલીસમાં ફરિયાદ નોંધાઇ છે.
રણજીત ઉર્ફે કાનો ઉર્ફે ટિકિટ તાજેતરમાં જ વિદેશી દારૂ સાથે ઝડપાતા તેની સાથે વૈભવ ઉર્ફે ભુરાએ દારૂનો ધંધો કરવો હોય તો પોતાની સાથે સંબંધ ન રાખવાનું જણાવતા ખૂની હુમલો કર્યાનું ફરિયાદમાં જણાવ્યું છે.
ગાંધીગ્રામ પોલીસે રણજીત ઉર્ફે કાનો ઉર્ફે ટિકિટ સહિત ત્રણેય સામે હત્યાની કોશિષનો ગુનો નોંધી પી.એસ.આઇ. પી.એ.ગોહિલ સહિતના સ્ટાફે તપાસ હાથધરી છે.
(Latest Gujarati News) સાથે જોડાયેલા રહો અને અન્ય માહિતી મેળવવા માટે અમને Facebook – https://facebook.com/abtakmedia/ અને Twitter – https://twitter.com/abtakmedia પર ફોલો કરો, લાઈક કરો અને શેર કરો. વાંચતા રહો લાખો વાચકોની મનપસંદ અને ગુજરાતની નં.1 “અબતક મીડિયા” પોઝિટીવ ન્યુઝ, ઇન્ફોર્મેટિવ ન્યુઝ વેબસાઇટ www.abtakmedia.com
