ઈઝરાયેલ ગાઝા પટ્ટીમાં હમાસના સ્થાનો પર સતત હુમલા કરી રહ્યું છે. દરમિયાન હિઝબુલ્લાના વડા હસન નસરાલ્લાહે શુક્રવારે ચેતવણી આપી હતી કે જો ગાઝા પર હુમલા ચાલુ રહેશે તો ઇઝરાયેલ અને હમાસ વચ્ચેનું યુદ્ધ પ્રાદેશિક સંઘર્ષમાં ફેરવાઈ શકે છે. સાથે જ કહ્યું કે જો આ યુદ્ધ અન્ય દેશોમાં ફેલાશે તો તેના માટે અમેરિકા જવાબદાર રહેશે. હિઝબુલ્લાએ સ્પષ્ટ ધમકી આપી છે કે, અમારી સેના પણ તમામ તૈયારીઓ કરીને બેઠું છે અમે તમામ વિકલ્પો માટે તૈયાર છીએ.
અમેરિકાને યુદ્ધથી દૂર રહેવા હિઝબુલ્લાના વડાની સ્પષ્ટ ચેતવણી
લગભગ ચાર અઠવાડિયા પહેલા હમાસ આતંકવાદીઓ અને ઇઝરાયેલ વચ્ચે યુદ્ધ ફાટી નીકળ્યા પછીના તેમના પ્રથમ ભાષણમાં ઈરાન સમર્થિત ચળવળના વડાએ ચેતવણી આપી હતી કે લેબનોન સુધી વિસ્તરણ કરવા માટે સંઘર્ષ માટે બધા વિકલ્પો ખુલ્લા છે. યુનાઇટેડ સ્ટેટ્સ ગાઝા પટ્ટી અને તેના લોકો પરના યુદ્ધ માટે સંપૂર્ણપણે જવાબદાર છે અને ઇઝરાયેલ માત્ર એક મહોરું છે.
કોઈપણ વ્યક્તિ જે પ્રાદેશિક યુદ્ધને રોકવા માંગે છે તેણે તરત જ ગાઝા પર આક્રમણ અટકાવવા જોઈએ તેવું હિઝબોલ્લાના વડાએ કહ્યું છે. ઇઝરાયેલી બોમ્બ ધડાકામાં માર્યા ગયેલા જૂથના લડવૈયાઓની યાદમાં યોજાયેલ હિઝબોલ્લાહના ગઢ એવા બેરૂતના દક્ષિણી ઉપનગરોમાં એક કાર્યક્રમમાં હજારો સમર્થકો ભાષણ સાંભળવા માટે એકઠા થયા હતા. અન્ય લોકો લેબનોન અને તેહરાન અને બગદાદ સહિત પ્રદેશમાં અન્યત્ર ભેગા થયા હતા.
7 ઓક્ટોબરના રોજ હમાસના આતંકવાદીઓએ ગાઝા પટ્ટીમાંથી ઇઝરાયેલ પર આઘાતજનક હુમલો કર્યો ત્યારથી લેબનોનની દક્ષિણ સરહદ ઇઝરાયેલ અને પેલેસ્ટિનિયન જૂથના સાથી હિઝબુલ્લાહ વચ્ચે મોટાભાગે તંગદિલીભરી પરિસ્થિતિ જોવા મળી રહી છે. જેના કારણે મોટા સંઘર્ષની શક્યતા ઉભી થઇ છે.
અમેરિકી રાષ્ટ્રપતિ જો બિડેને પૂર્વ ભૂમધ્ય સમુદ્રમાં બે એરક્રાફ્ટ કેરિયર મોકલ્યા છે. અમેરિકાને પડકાર આપતા હિઝબુલ્લાના ચીફે કહ્યું કે ભૂમધ્ય સમુદ્રમાં તમારો કાફલો અમને ડરાવી શકે તેવો નથી… તમે જે કાફલાથી અમને ધમકી આપો છો તેનો સામનો કરવા અમે તૈયાર છીએ. તેમણે કહ્યું, તમે અમેરિકનો સારી રીતે જાણો છો કે જો પ્રદેશમાં યુદ્ધ થશે તો તમારા કાફલાનો કોઈ ફાયદો થશે નહીં, ન તો હવાઈ સેના મદદ કરી શકશે.
