શેરની પ્રાઇસ બેન્ડ કંપનીના બે રૂપિયાની ફેસ વેલ્યુ ધરાવતા ઇક્વિટી શેરદીઠ રૂ.265 થી રૂ.274 નક્કી કરાઇ
સુપ્રિયા લાઇફ સાયન્સ લિમિટેડનો આઇપીઓ આગામી 16મીથી ખૂલશે. ઓફરની પ્રાઇસ બેન્ડ ઇક્વિટી શેરદીઠ રૂ. 265થી રૂ. 274 નક્કી થઈ છે. બિડ લઘુતમ 54 ઇક્વિટી શેર અને પછી 54 ઇક્વિટી શેરના ગુણાંકમાં થઈ શકશે.કંપનીએ આઇપીઓ મારફતે રૂ. 7000 મિલિયનનું ફંડ ઊભું કરવાની યોજના બનાવી છે. ઓફરમાં કંપની દ્વારા રૂ. 2000 મિલિયન સુધીના કુલ ઇક્વિટી શેરનો ફ્રેશ ઇશ્યૂ અને સતિશ વામન વાઘ (પ્રમોટર વિક્રેતા શેરધારક) દ્વારા રૂ. 5000 મિલિયન સુધીના કુલ વેચાણ માટેની ઓફર સામેલ છે.
આ ઓફર સેબી આઇસીડીઆર રેગ્યુલેશન્સના નિયમન 6(2) સાથે સુસંગત રીતે બુક બિલ્ડિંગ પ્રક્રિયા મારફતે કરવામાં આવી છે, જેમાં ઓફરનો મહત્તમ 75 ટકા હિસ્સો સપ્રમાણ આધારે ક્વોલિફાઇડ ઇન્સ્ટિટ્યૂશનલ બાયર્સને ફાળવવા માટે ઉપલબ્ધ કરાવવામાં આવશે, જેમાં શરત એ છે કે, અમારી કંપની અને પ્રમોટર વિક્રેતા શેરધારક સાથે ચર્ચા કરીને ક્યુઆઇબી પોર્શનનો 60 ટકા સુધીનો હિસ્સો એન્કર રોકાણકારોને ફાળવી શકે છે.
એન્કર રોકાણકાર પોર્શનનો એક-તૃતિયાંશ કે 33 ટકા હિસ્સો સ્થાનિક મ્યુચ્યુઅલ ફંડ માટે અનામત રાખવામાં આવશે, જેમાં શરત એ છે કે, સ્થાનિક મ્યુચ્યુઅલ ફંડ પાસેથી એન્કર રોકાણકારની ફાળવણી કિંમત પર કે એનાથી વધારે કિંમતે માન્ય બિડ મળશે.
ઉપરાંત નેટ ક્યુઆઇબી પોર્શનનો 5 ટકા હિસ્સો સપ્રમાણ આધારે મ્યુચ્યુઅલ ફંડને ફાળવવા માટે ઉપલબ્ધ કરાવવામાં આવશે અને ક્યુઆઇબી પોર્શનનો બાકીનો હિસ્સો મ્યુચ્યુઅલ ફંડ સહિત તમામ ક્યુઆઇબી બિડર્સ (એન્કર રોકાણકારો સિવાય)ને સપ્રમાણ આધારે ફાળવણી માટે ઉપલબ્ધ કરશે, જે માન્ય બિડ ઓફર પ્રાઇસ પર કે એનાથી વધારે કિંમત પર મળવાને આધિન છે.
સેબી આઇસીડીઆર નિયમનોને સુસંગત રીતે જો ઓફરનો મહત્તમ 75 ટકા હિસ્સો ક્યુઆઇબીને ફાળવી નહીં શકાય, કંપની દ્વારા બિડની રકમ રિફંડ કરવામાં આવશે. ઉપરાંત ઓફરનો મહત્તમ 15 ટકા હિસ્સો સપ્રમાણ આધારે બિન-સંસ્થાગત બિડર્સ અને મહત્તમ 10 ટકા હિસ્સો રિટેલ વ્યક્તિગત બિડર્સને ફાળવણી માટે ઉપલબ્ધ થશે, જે તેમની પાસેથી ઓફર પ્રાઇસ પર કે એનાથી વધારે કિંમત પર માન્ય બિડ મળવાને આધિન છે.
