ત્રીજા ટેસ્ટ પૂર્વેજ ભારતીય ટીમને લાગ્યો ઝટકો: રાહુલ ઇજાગ્રસ્ત, પડિકલ ને મળ્યું સ્થાન

• આજે બંને ટીમો કરશે નેટ પ્રેક્ટિસ : રાજકોટમાં છવાયો ક્રિકેટ ફીવર

ઈજાના કારણે બહાર રહેલો કેએલ રાહુલ રાજકોટમાં રમાનારી મેચમાં ભાગ લેશે નહીં.  ભારતીય ક્રિકેટ કંટ્રોલ બોર્ડએ સોમવારે આ વાતની પુષ્ટિ કરી છે.  તેમના સ્થાને દેવદત્ત પડિક્કલનો સમાવેશ કરવામાં આવ્યો છે.  ભારત અને ઈંગ્લેન્ડ વચ્ચે ચાલી રહેલી પાંચ મેચોની ટેસ્ટ શ્રેણીની ત્રીજી મેચ પહેલા ટીમ ઈન્ડિયાને મોટો ઝટકો લાગ્યો છે.  ઈજાના કારણે બહાર રહેલો કેએલ રાહુલ રાજકોટમાં રમાનારી મેચમાં ભાગ લેશે નહીં.  ભારતીય ક્રિકેટ કંટ્રોલ બોર્ડએ સોમવારે આ વાતની પુષ્ટિ કરી છે.  તે જ સમયે, લખનૌ સુપર જાયન્ટ્સના ખેલાડી દેવદત્ત પડિકલને કેએલ રાહુલની જગ્યાએ ટીમમાં સામેલ કરવામાં આવ્યો છે. આજે બંને ટીમો દ્વાર નેટ પ્રેક્ટિસ કરવામાં આવશે અને રાજકોટ ખાતે ત્રીજા ટેસ્ટ માટે ક્રિકેટ ફીવર જોવા મળી રહ્યો છે.

વિકેટ-કીપર બેટ્સમેનની ગેરહાજરીની પુષ્ટિ કરતા, બીસીસીઆઇએ જણાવ્યું હતું કે, કે.એલ રાહુલ, જેની બાકીની ત્રણ ટેસ્ટ મેચો માટે ઉપલબ્ધતા ફિટનેસ પર આધારિત હતી, તેને રાજકોટમાં ઈંગ્લેન્ડ સામેની ત્રીજી ટેસ્ટમાંથી બહાર કરવામાં આવ્યો છે.  રાહુલ 90 ટકા મેચ ફિટનેસ પર પહોંચી ગયો છે અને બીસીસીઆઈની મેડિકલ ટીમની દેખરેખમાં સારી પ્રગતિ કરી રહ્યો છે.  તે ચોથી અને પાંચમી ટેસ્ટ માટે સંપૂર્ણ રીતે ફિટ થવા માટે બેંગલુરુમાં નેશનલ ક્રિકેટ એકેડમી ખાતે તેની રિકવરી પ્રક્રિયા ચાલુ રાખશે.  પુરૂષોની પસંદગી સમિતિએ 15 ફેબ્રુઆરી, 2024થી શરૂ થનારી ત્રીજી ટેસ્ટ માટે કેએલ રાહુલના સ્થાને દેવદત્ત પડિકલનું નામ આપ્યું છે.

ત્રીજી ટેસ્ટ માટે ભારતીય ટીમ

રોહિત શર્મા (કેપ્ટન), જસપ્રિત બુમરાહ (વાઈસ-કેપ્ટન), યશસ્વી જયસ્વાલ, શુભમન ગિલ, રજત પાટીદાર, સરફરાઝ ખાન, ધ્રુવ જુરેલ (વિકેટકીપર), કેએસ ભરત (વિકેટકીપર), આર અશ્વિન, રવિન્દ્ર જાડેજા, અક્ષર પટેલ, વોશિંગ્ટન સુંદર , કુલદીપ યાદવ , મોહમ્મદ.  સિરાજ, મુકેશ કુમાર, આકાશ દીપ, દેવદત્ત પડિકલ.