વિદેશમાં ભારતનો દેશી ખાટલો સોશિયલ મીડિયા પર ધૂમ મચાવી રહ્યો છે. ઓસ્ટ્રેલિયામાં આજકાલ ભારતીય ખાટલા સાથે જોડાયેલ એક જાહેરાત ઘણી વાયરલ થઇ રહી છે.
આ જાહેરાતની ખાસ વાત એ છે કે, તેમાં ભારતીય ખાટલાની કિંમત 990 ડૉલર રાખવામાં આવી છે. જાહેરાતમાં દાવો કરવામાં આવ્યો છે કે, આ પારંપારિક ભારતીય ખાટલો ઘણો આરામદાયક છે. જે કારીગરે પણ આ ખાટલો બનાવ્યો હશે, તેણે પણ સપનામાં નહીં વિચાર્યું હોય કે એક દિવસ વિદેશમાં આ ખાટલો ધૂમ મચાવશે.
આ જાહેરાતમાં ગ્રાહકોની માંગ અનુસાર, ખાટલાની લંબાઇ અને પહોળાઇ નક્કી કરવાનો વિકલ્પ પણ આપવામાં આવ્યો છે. જાહેરાતમાં એમ પણ કહેવામાં આવ્યું છે કે, ખાટલો મજબૂત મોર્ટિઝ અને ટેનન જોઇન્ટ્સની સાથે સુંદર મૈપલ લાકડીથી બનેલો છે. જાહેરાત અનુસાર, આ ખાટલો મનીલા દોરીનો ઉપયોગ કરીને હાથથી બનાવેલો છે અને એવો પણ દાવો કરવામાં આવ્યો છે કે, આ ખાટલો 100 ટકા ઓસ્ટ્રેલિયામાં બનેલો છે. જો કે, હાલ તો આ જાહેરાતને લઇને લોકો ટ્વિટર પર પોતાની પ્રતિક્રિયાઓ આપી રહ્યાં છે.
