સરકારે સાંસદોને આપી મોટી ભેટ….

• સાંસદોના વેતન તેમજ દૈનિક ભથ્થામાં કરાયો વધારો,
• વેતન રૂપિયા 1.24 લાખ મળશે
• પૂર્વ સાંસદોનું પેન્શન વધારીને રૂપિયા 31 હજાર કરાયું

સાંસદોનો માસિક પગાર પહેલા રૂ. 1,00,000 હતો જે વધારીને રૂ. 1,24,000 પ્રતિ માસ કરવામાં આવ્યો છે.  તેમજ તે જ સમયે, દૈનિક ભથ્થું 2,000 રૂપિયાથી વધારીને 2,500 રૂપિયા કરવામાં આવ્યું છે. ભૂતપૂર્વ સાંસદોનું માસિક પેન્શન પણ 25,000 રૂપિયાથી વધારીને 31,000 રૂપિયા કરવામાં આવ્યું છે.

સાંસદોના પગારમાં વધારો:

કેન્દ્ર સરકારે સાંસદોના પગાર, દૈનિક ભથ્થા અને પેન્શનમાં વધારા અંગે જાહેરનામું બહાર પાડ્યું છે. સંસદીય બાબતોના મંત્રાલય દ્વારા જાહેર કરાયેલા નોટિફિકેશન અનુસાર, આ સુધારેલ પગાર ધોરણ 1 એપ્રિલ, 2023 થી લાગુ થશે. ફુગાવાને ધ્યાનમાં રાખીને, કેન્દ્ર સરકારે સભ્યોના પગાર, ભથ્થાં અને પેન્શન અધિનિયમ, 1954 હેઠળ પગાર અને પેન્શનમાં સુધારો કર્યો છે.

દેશના તમામ સાંસદોના પગારમાં ભારે વધારો થવાનો છે. એટલું જ નહીં, સાંસદોના દૈનિક ભથ્થામાં પણ વધારો થવાનો છે. આ સાથે, ભૂતપૂર્વ સાંસદોને આપવામાં આવતા પેન્શનમાં પણ વધારો થવાનો છે.  ત્યારે હાલમાં, સાંસદોને દર મહિને 1 લાખ રૂપિયાનો પગાર મળે છે, જેને વધારીને 1.24 લાખ રૂપિયા કરવામાં આવી રહ્યો છે. સાંસદોને આપવામાં આવતો દૈનિક ભથ્થું પણ 2000 રૂપિયાથી વધારીને 2500 રૂપિયા કરવામાં આવી રહ્યું છે. આ સાથે, ભૂતપૂર્વ સાંસદોનું માસિક પેન્શન 25,000 રૂપિયાથી વધારીને 31,000 રૂપિયા કરવામાં આવી રહ્યું છે.

સાંસદોને દર મહિને કુલ 2.54 લાખ રૂપિયા મળશે

સંસદીય બાબતોના મંત્રાલયે જણાવ્યું હતું કે સાંસદોના પગાર, દૈનિક ભથ્થા અને ભૂતપૂર્વ સાંસદોના પેન્શનમાં આ વધારો 1 એપ્રિલ, 2023થી અમલમાં આવશે. આ ફેરફારો સંસદ સભ્યોના પગાર, ભથ્થાં અને પેન્શન અધિનિયમ, 1954 દ્વારા આપવામાં આવેલી સત્તાઓનો ઉપયોગ કરીને કરવામાં આવ્યા છે, અને તે આવકવેરા અધિનિયમ, 1961માં ઉલ્લેખિત ખર્ચ ફુગાવાના સૂચકાંક પર આધારિત છે. પગાર, મતવિસ્તાર અને ઓફિસ ભથ્થાં સહિત, વર્તમાન સાંસદોને હવે દર મહિને કુલ 2,54,000 રૂપિયા પગાર મળશે. તમને જણાવી દઈએ કે સાંસદોને ગૃહના ચાલુ સત્ર દરમિયાન દૈનિક ભથ્થું મળે છે.

સાંસદોના પગારમાં દર 5 વર્ષે વધારો થાય છે

સાંસદોના પગારમાં છેલ્લે વર્ષ 2018માં વધારો કરવામાં આવ્યો હતો. તે સમયે સાંસદોનો પગાર વધારીને 1,00,000 રૂપિયા કરવામાં આવ્યો હતો. 2018 માં, ભૂતપૂર્વ નાણામંત્રી અરુણ જેટલીએ ફુગાવા અનુસાર દર 5 વર્ષે સાંસદોના પગારમાં આપમેળે સુધારો કરવા માટે કાયદાનો પ્રસ્તાવ મૂક્યો હતો. ભારતમાં સાંસદોને પગારની સાથે અનેક પ્રકારના ભથ્થાં અને સુવિધાઓ પણ મળે છે. પગાર ઉપરાંત, સાંસદોને મતવિસ્તાર ભથ્થા તરીકે દર મહિને 70,000 રૂપિયા અને ઓફિસ ભથ્થા તરીકે દર મહિને 60,000 રૂપિયા મળે છે.