સ્વ.સુખદેવસિંહ રાઠોડના સ્મરર્ણો ફૂટબોલ ટૂર્નામેન્ટનું આયોજન
ભાઈઓની ૧૫ અને બહેનોની ૮ ટીમો લેશે ભાગ
નિધિ સ્કૂલ દ્વારા આગામી તા.૨૪/૦૪/૨૦૧૮ (મંગળવાર) થી તા.૨૯/૦૪/૨૦૧૮ (રવિવાર) સુધી ફૂટબોલ ગ્રાઉન્ડ, રેસકોર્ષ ખાતે સ્વ.સુખદેવસિંહ રાઠોડના સ્મરર્ણો ઓપન ગુજરાત રાત્રિ પ્રકાશ ફૂટબોલ ટૂર્નામેન્ટનું આયોજન ભાઈઓ અને બહેનોની માટે કરવામાં આવેલ છે. આ ફૂટબોલ ટૂર્નામેન્ટમાં રાજયની ભાઈઓની ૧૬ ટીમો અને બહેનોની ૮ ટીમો ભાગ લઈ રહેલ છે.
આ ટૂર્નામેન્ટ નોકઆઉટ પધ્ધતિથી રમાડવામાં આવશે. આ ટૂર્નામેન્ટમાં ભાઈઓની ટીમોમાં સુરત, મહેસાણા, જામનગર, સુરેન્દ્રનગર, ગોધરા, ગાંધીનગરની એક ટીમો ભાગ લેશે. જયારે બહેનોમાં રાજકોટ, બરોડાની બે-બે ટીમ તેમજ કચ્છ, પાલનપુર, અમદાવાદ, સાબરકાંઠાની એક-એક ટીમ ભાગ લેશે. દરેક મેચમાં બેસ્ટ પ્લેયરને ટ્રોફી તેમજ ટૂર્નામેન્ટમાં વિજેતા તી ટીમના દરેક ખેલાડીને ટ્રોફી તેમજ રોકડ પુરસ્કાર દ્વારા સન્માનીત કરવામાં આવશે. રનર્સ ટીમને પણ ટ્રોફી તેમજ રોકડ પુરસ્કાર આપવામાં આવશે.
સમગ્ર ટૂર્નામેન્ટનાં બેસ્ટ પ્લેયર, બેસ્ટ ગોલકીપરને પણ સન્માનીત કરવામાં આવશે, સમગ્ર ટૂર્નામેન્ટમાં ભાગ લેવા આવતા ખેલાડીઓ માટે રહેઠાણ અને જમવાની વ્યવસ આયોજકો તરફી કરવામાં આવેલ છે. સમગ્ર ટૂર્નામેન્ટને સફળ બનાવવા નિધિ સ્કૂલનાં મેનેજીંગ ટ્રસ્ટી યશપાલસિંહ ચુડાસમા, પ્રજ્ઞેશદાન ગઢવી, અમિત શિયાળિયા, શ્યામ વાળા, ક્રિપાલસિંહ ગોહિલ, જ્ઞાનેન્દ્રસિંહ ઝાલા, હર્ષદ રાઠોડ, કુલદીપસિંહ ચુડાસમા કાર્યરત છે તેવું ‘અબતક’ની મુલાકાતમાં જણાવાયું હતું.
