ચોમાસામાં સવારનો પહેલો સૂર્યપ્રકાશ સ્વાસ્થ્ય માટે અનેક રીતે ફાયદાકારક

શું તમને પણ દરરોજ સવારે વહેલા ઉઠવાની આદત છે? જો નહીં, તો આદત પાડી દો. કારણ કે સવારના સૂર્યપ્રકાશથી આપણાં સ્વાસ્થયને અનેક ફાયદાયો મળે છે. ખાસ કરીને ચોમાસાની ઋતુમાં તમારા હાડકાંને મજબૂત બનાવવામાં તેમજ ત્વચાને લગતી સમસ્યાઓમાં રાહત મેળવવામાં મદદરૂપ થાય છે. સવારનો સૂર્યપ્રકાશ સ્વાસ્થ્ય માટે ખૂબ જ ફાયદાકારક છે. સૂર્યપ્રકાશ માત્ર શરીરને હૂંફ જ નથી આપતું પણ વિટામિન ડી પણ આપે છે. સૂર્યપ્રકાશમાં વિટામિન ડી પૂરતી માત્રામાં મળી આવે છે. જે સ્વાસ્થ્યની સાથે ત્વચાને પણ અનેક ફાયદાઓ આપે છે.

જો તમે દરરોજ સવારે અડધો કલાક તડકામાં બેસો તો તેનાથી શરીરમાં મોટી માત્રામાં શ્વેત રક્તકણો ઉત્પન્ન થાય છે. જે રોગ પેદા કરતા પરિબળો સામે લડવામાં પણ મદદ કરે છે. તમને જણાવી દઈએ કે વહેલી સવારના સૂર્યના કિરણોમાં આવા ગુણ જોવા મળે છે. જે શરીર પર કોઈપણ પ્રકારના ઈન્ફેક્શનની અસરને ઓછી કરવાની શક્તિ ધરાવે છે. ચાલો જાણીએ કે સવારનો સૂર્યપ્રકાશ લેવાથી તમારા સ્વાસ્થય અને ત્વચાને શું ફાયદા થઈ શકે છે

સૂર્યપ્રકાશ સ્વાસ્થ્ય માટે કઈ રીતે ફાયદાકારક 

ત્વચાને ચમકદાર બનાવે છે

ચોમાસાના દિવસોમાં હવામાં વધુ પડતા ભેજને કારણે ઘણા લોકો કોઈ પણ પ્રકારનું મોઈશ્ચરાઈઝર લગાવવાનું પસંદ કરતા નથી. આવી સ્થિતિમાં માત્ર ત્વચા જ શુષ્ક નથી થતી. પણ પ્રદૂષણથી ત્વચાને પણ ઘણું નુકસાન થાય છે. તે જ સમયે જો તમે દરરોજ થોડો સમય સૂર્યના પ્રથમ કિરણોની સામે બેસો તો તે શરીરમાં રક્ત પ્રવાહને સુધારે છે અને ત્વચાને સ્વસ્થ બનાવે છે. જો તમે દરરોજ સવારે અડધો કલાક તડકામાં બેસો તો તરત જ સૂર્યપ્રકાશનું પહેલું કિરણ દેખાય છે. તેથી આ તમારી ત્વચામાં ગ્લો વધારે છે. તેમજ સવારે તડકામાં બેસવાથી રક્ત પરિભ્રમણ સુધરે છે. જેના કારણે ત્વચા ચમકદાર બને છે.

ત્વચા પરની ફોલ્લીઓથી રાહત મળે

એક્ઝિમાની સમસ્યાથી પીડિત લોકો માટે પણ સવારનો પહેલો સૂર્યપ્રકાશ ફાયદાકારક સાબિત થાય છે. ત્વચા પરની ફોલ્લીઓ, ખંજવાળ વગેરેથી છુટકારો મેળવવા માટે તમે સવારે ઓછામાં ઓછા 30 મિનિટ સુધી સૂર્યપ્રકાશ લઈ શકો છો. તેનાથી તમારું સ્વાસ્થય પણ સુધરે છે.

પિમ્પલ્સથી છુટકારો મળે

પિમ્પલ્સ માત્ર હોર્મોનલ બદલાવને કારણે જ નહીં પરંતુ ખાવાની ખોટી આદતો અને જીવનશૈલીને કારણે પણ થઈ શકે છે. ખાસ કરીને ચોમાસામાં આ સમસ્યા વધી જાય છે. આવી સ્થિતિમાં તમે સવારનો પ્રથમ સૂર્યપ્રકાશ તમને પિમ્પલ્સથી રાહત આપવામાં ઘણી રીતે મદદ કરે છે.

રોગપ્રતિકારક શક્તિ વધારે

સૌપ્રથમ સૂર્યપ્રકાશ માત્ર શરીરમાં વિટામિન ડીની ઉણપને પૂર્ણ કરવામાં મદદરૂપ નથી. પણ ચોમાસા દરમિયાન તમારી રોગપ્રતિકારક શક્તિને પણ સુધારે છે. આવી સ્થિતિમાં તમે ઘણા વાયરલ ચેપથી પણ બચી શકો છો.

ત્વચાને તાજગી મળે છે

સૂર્યપ્રકાશ લોહીમાં ઓક્સિજનનું સ્તર વધારવામાં મદદ કરે છે. જેનાથી તમારી ત્વચા ફ્રેશ લાગે છે અને તમે દિવસભર તાજગી અનુભવો છો. તેથી આ આદતને તમારી દિનચર્યાનો ભાગ બનાવી લો. જેનાથી ત્વચાને તાજગી મળે છે અને ત્વચાનો ગ્લો વધવા લાગે છે.