- પ્રથમ ચૈત્રી નવરાત્રીએ રાજસ્થાની સમાજે રેકોર્ડ બનાવ્યો
- ગોડાદરા ખાતે રાજસ્થાન જેવો માહોલ સર્જાયો
- એક સાથે 12,000 માતા, દીકરીઓએ ઘુમર લોક નૃત્ય કરી ગિનિસ વર્લ્ડ રેકોર્ડ સર્જ્યો
- કેન્દ્રીય જળ મંત્રી સી આર પાટીલ, ગૃહ રાજ્ય મંત્રી હર્ષ સંઘવી, આ કાર્યક્રમમાં ઉપસ્થિત રહ્યા હતા
ગુજરાતમાં રાજસ્થાન સ્થાપના દિવસ નિમિત્તે એક વર્લ્ડ રેકોર્ડ સર્જાયો છે. સુરત શહેરમાં વસતા રાજસ્થાની સમાજે રાજસ્થાન સ્થાપના દિવસની ભવ્ય ઉજવણી કરી હતી. આ તકે 12,000 રાજસ્થાની બહેનોએ ઘુમ્મર નૃત્ય કરી વર્લ્ડ રેકોર્ડ બન્યો હતો. એક સાથે 12,000 બહેનોએ ઘુમ્મર નૃત્ય કરતા રાજસ્થાનના જયપુરનો 6,000નો રેકોર્ડ તૂટ્યો હતો.
સુરતમાં અલગ-અલગ જાતિ અને સમાજના લોકો રહે છે, જેમાં રાજસ્થાન સમાજના લોકો સૌથી મોટી સંખ્યામાં રહે છે. કાપડ માર્કેટ સાથે સંકળાયેલા લોકો અહીં પોતાના વતન રાજસ્થાન દિવસની ખૂબ મોટા પાયે ઉજવણી કરે છે. અને તેમાં પણ આ વખતે તેઓએ અનોખું આયોજન કર્યું છે. ગુજરાતના ગરબાની જેમ રાજસ્થાનની ઓળખ તેનું પારંપરિક ઘૂમર નૃત્ય છે. ગોડાદરા સ્થિત મરુધર મેદાનમાં પહેલીવાર એકસાથે 12,000 બહેનો અને માતાઓ ઘૂમર નૃત્ય રજૂ કરીને નવો કીર્તિમાન સ્થાપ્યો છે.
ઘૂમર નૃત્યનો જયપુરનો રેકોર્ડ સુરતમાં તૂટ્યો આ પહેલાં રાજસ્થાનના જયપુરમાં 6,000 બહેનો દ્વારા ઘૂમર નૃત્યનો રેકોર્ડ સ્થાપવામાં આવ્યો હતો, જેને સુરત શહેરે તોડી નાખ્યો છે. આ ગ્રાન્ડ ઈવેન્ટમાં રાજસ્થાનની સાંસ્કૃતિક સમૃદ્ધિને ઉજાગર કરવામાં આવી છે અને વિશ્વમાં ગુજરાતી-રાજસ્થાની એકતાનું અનોખું પ્રદર્શન કર્યું છે. રાજસ્થાનથી આ કાર્યક્રમમાં રાજસ્થાનનાં કાલબેલિયા ફોક નૃત્યનાં સ્પેશિયાલિસ્ટ આસા સપેરા આવ્યાં હતાં, જેનાં ઘૂમર નૃત્યનાં સ્ટેપને બહેનો અનુસર્યા હતા, સાથે બોલિવુડના ફોક ગાયકો પણ હાજર રહ્યા હતા.
આ કાર્યક્રમમાં રાજસ્થાનથી કાલબેલિયા ફોક નૃત્યના નિષ્ણાત આસા સપેરા ખાસ ઉપસ્થિત રહ્યા હતા. બહેનોએ તેમના ઘુમર નૃત્યના સ્ટેપ્સને અનુસર્યા હતા. બોલીવુડના ફોક ગાયકો પણ આ પ્રસંગે હાજર રહ્યા હતા. ચૈત્રી નવરાત્રી પ્રારંભે 12,000 લોકોએ એક સાથે ગંગા આરતી કરી હતી. બનારસના ગંગા ઘાટથી 11 પંડિતો ખાસ આવ્યા હતા. વડાપ્રધાન નરેન્દ્ર મોદીના જળ બચાવો સંકલ્પ અભિયાન અંતર્ગત અંદાજે 2 લાખ લોકોએ પાણી બચાવવાની પ્રતિજ્ઞા લીધી હતી.
અહેવાલ: ભાવેશ ઉપાધ્યાય
